31 марти соли ҷорӣ бо қарори ҳукумати Тоҷикистон, ташти рақами 151 қоидаҳои нави андозбандии соҳибкорони инфиродӣ, ки бар асоси патент ё шаҳодатнома фаъолият мекунанд, ба тасвиб расид.
Навъи нави андозбандӣ — «Фаъолияти сохибкорӣ дар асоси Шаходатномаи дорои шартҳои махсус» ҷорӣ карда шуд. Чкк қисми соҳибкорони патентӣ бояд то 1 июли соли 2022 аз патент ба ин шаҳодатнома гузаранд. Ин шаҳодатнома ба кӣ дахл дорад ва барояшон чӣ тағйиротҳо пеш меояд, Наврӯз Одинаев, муассиси ширкати ҳуқуқии “Ҳимоя” шарҳ медиҳад.
Қаблан ҳамагӣ ду намуди фаъолияти соҳибкории инфиродӣ – дар асоси патент ва дар асоси шаҳодатнома вуҷуд дошт. Ҳоло навъи сеюмаш аб вуҷуд омад, ки чизе байни шаҳодатнома ва патент аст.
Навъи нави фаъолияти соҳибкории инфиродӣ “Фаъолияти соҳибкорӣ дар асоси Шаҳодатномаи дорои шартҳои махсус” ном дорад.
Хусусиятҳои ин намуди фаъолият дар асоси фаъолият бо патент ва шаҳодатнома ба вуҷуд омадаанд.
Хусусиятҳои фарқкунандаи шаҳодатнома бо шартҳои махсус аз патенту шаҳодатнома:
Якум. Ҳуқуқи ба кор қабул кардани то 2 нафар.
Дуюм. Даромади умумии 500 000 сомонӣ дар давоми 12 моҳи оянда.
Сеюм. Соҳибкороне, ки дар асоси Шаҳодатномаи дорои шартҳои махсус ва берун аз ҷойҳои статсионарӣ фаъолият мекунанд, аз истифодаи мошини назоратӣ – хазинавӣ (контрольно-кассовый аппарат) озод карда мешаванд. Ҷойҳои статсионарӣ ҷойҳое мебошанд, ки дару девор доранд (ба монанди мағоза). Аммо дӯконҳои бозор ҷойҳои ғайристатсионарӣ буда, соҳибкороне, ки дар ин ҷо кор мекунанд, аз истифодаи ҳатмии мошини хазинавӣ озод шудаанд.
Чорум. Намудҳои фаъолият аз рӯи рӯйхати махсус муайян карда мешаванд, ки ба он намудҳои таҳти патент қарордошта дохил мешаванд. Рӯйхати фаъолиятҳо дар поён оварда мешавад. Пардохт бо тартиби пешпардохт барои намуди фаъолият бо назардошти коэффициентҳои минтақавӣ сурат мегирад.
Панҷум. Дар доираи ин намуди сертификат фаъолияти мағозаҳои интернетӣ (фурӯши молҳо, пешниҳоди хидматҳо тавассути Интернет) иҷозат дода намешавад.
Шашум. Андоз аз музди мехнат (андози ичтимоӣ ва андози даромад) бо тартиби умумӣ пардохта мешавад.
Ҳафтум. Андозҳо барои шаҳрвандони хориҷӣ ва шахсони бешаҳрванд (ба истиснои шаҳрвандони дорои мақоми гуреза) ва соҳибкороне, ки дар минтақаҳои бозори яклухт фаъолият мекунанд, барои намуди интихобкардаи фаъолият бо назардошти коэффисиенти минтақавӣ ду баробар пардохт карда мешаванд.
Ҳаштум. Маблағи пардохт барои фаъолиятҳои дар сатри ёздаҳуми ҳамин Рўйхат зикргардида дар як соли тақвимӣ барои ҳафт моҳ пардохта мешавад. Сухан дар бораи фаъолият оид ба истихроҷи маъданҳои аллювиалӣ бо усулҳои ҳунарӣ ва озодӣ меравад.
Ҳамаи соҳибкороне, ки қаблан фаъолияти худро дар асоси патент ба намудҳои зерини фаъолият анҷом медоданд, вазифадоранд то 1 июли соли 2022 ба намуди нави фаъолият гузашта, шаҳодатнома гиранд.
Маблағҳое, ки дар ҷадвали боло нишон дода шудаанд, омилҳои минтақавиро дар бар намегиранд.
Соҳибкорони инфиродӣ, ки то 1 июл расмиёти азнавбақайдгириро анҷом надодаанд, аз Феҳристи ягонаи давлатии шахсони ҳуқуқӣ ва соҳибкорони инфиродӣ хориҷ карда шуда, фаъолияти онҳо ғайриқонунӣ дониста мешавад.
Коэффисиентҳои минтақавӣ, ки ҳаққи патент ва шаҳодатномаи дорои шартҳои махсусро танзим мекунанд
Маводи мазкур дар доираи лоиҳаи «Дастгирии ҳуқуқии соҳибкорон» омода шудааст. Шумо инчунин метавонед ба мутахассисони Ҳимоя саволҳои иловагӣ диҳед.
Саволҳоро метавон ба почтаи: [email protected] ирсол кард; ба саҳифаи ширкат дар Фейсбук. Ё дар Viber, WhatsApp ва Telegram рақамҳои + (992) 11111 88 11. Шумо инчунин метавонед бо телефони +992 11111 – 88 – 11 занг зада, савол диҳед.
“Дастгирии ҳуқуқии соҳибкорон” дар чаҳорчӯби лоиҳаи Барномаи рушди Созмони Милали Муттаҳид дар Тоҷикистон “Ҳалли рақамӣ барои барқарорсозӣ ва мутобиқшавӣ” амалӣ мешавад.
