Аввали моҳи октябр лотереяи ҳарсолаи Green Card оғоз ёфт. Ғолибони он соҳиби корти сабз – шаҳодатномае мешаванд, ки ба шаҳрванди хориҷӣ имкон медиҳад, ба таври доимӣ дар Иёлоти МуттаҳидаиАмрико кор ва зиндагӣ кунад.
Аксар вақт онҳое, ки дар лотерея иштирок кардан мехоҳанд, ба ташкилотҳои гуногун муроҷиат мекунанд, то бо пардохти муайян аз номи иштирокчӣ дархостро пур кунанд. Вале ба ин лотерея мустақилона сабтином кардан мумкин аст.
Мо барои шумо дастури қадам ба қадам ҷамъ овардем, ки дар пур кардани варақаи довталабӣ ва пешниҳоди дархост кӯмак мекунад.
Чаро аз хизматрасониҳои миёнаравон набояд истифода кард?
Ташкилотҳои зиёде ҳастанд, ки ба хоҳишмандон пур кардани варақаҳои бақайдгирии онҳоро бар ивази пул пешниҳод мекунанд.
Чунин ширкатҳо дар Тоҷикистон низ фаъолият мекунанд: дар Душанбе ва дигар шаҳрҳои калон эълонҳоеро дидан мумкин аст, ки дар он ба ҳама шахсони хоҳишманди дар лотерея иштирок кунанда, пур кардани варақаи дархостӣ аз номи онҳо пешниҳод шудааст.
Дар Душанбе нархи ин хизматрасониҳо тахминан 50 сомониро ташкил медиҳад.
Истифодаи хизматрасонии миёнаравҳо тавсия дода намешавад, зеро шахсоне, ки иштирокчии DV-Lottery-ро сабтином мекунанд, метавонанд қаллоб бошанд ва баъдан барои тафтиши натиҷаҳо пул талаб кунанд. Илова бар ин, хатари интиқоли маълумоти шахсии довталабон ба шахсони сеюм вуҷуд дорад.
Дархостро барои иштирок дар лотерея мустақилона пур кардан мумкин аст: сабтином дар лотерея комилан ройгон аст. Илова бар ин, варақаро бо донистани андаки забони англисӣ пур карда мешавад. Мо инро нишон медиҳем.
Дархостро дар куҷо пур кардан мумкин?
Дархостҳо дар сомонаи ягонаи расмии лотереяи Diversity Immigrant Visa –https://dvprogram.state.gov/ пешниҳод карда мешаванд. Дигар сомонаҳое, ки худро ҳамчун сомонаи лотерея вонамуд мекунанд, қаллобӣ ба ҳисоб мераванд.
Дархост бо забони англисӣ пур карда мешавад, ҳама маълумотҳо бо хати лотинӣ ворид карда мешаванд. Ҳангоми тарҷумаи калимаҳо ба забони англисӣ эҳтиёт шавед.
Ба шумо танҳо 30 дақиқа ҷудо карда мешавад, ки пас аз он сессия барқарор карда мешавад ва ба ибтидо бармегардад.
Пеш аз пешниҳоди дархости худ, шумо метавонед бо дастурҳои расмии пур кардани варақаи дархост бо забони англисӣ шинос шавед.
Ариза аз ду қисм иборат аст – барои довталаб ва ҳамсар ё фарзандони ӯ.
Барои оғози бақайдгирӣ, шумо бояд ба сомонаи расмии лотерея ворид шуда ва тугмаи Begin Entry-ро пахш кунед.
Баъдан, шумо бояд рамзи зарурии аутентификатсияро (captcha) ворид карда, тугмаи Submit-ро пахш кунед.
Қисми 1. Маълумот дар бораи иштирокчӣ (Entrant Information)
1.Ном (name). Пур кардани варақа аз ворид кардани насаб ва ном бо ҳарфҳои лотинӣ оғоз мешавад – чуноне ки дар шиносномаи шумо қайд шудааст.
Насабро аз шиносномаи хориҷӣ ба сатри Last / Family Name ва номро – дар First Name нависед.
Сатри Middle Name-ро холӣ гузоред, ба ишораи No Middle Name рамзи тасдиқ гузоред.
Азбаски дар шиносномаҳои хориҷии мо номи падарӣ вуҷуд надорад, сутуни мувофиқро пур кардан лозим нест, вагарна дархости шумо қабул карда намешавад.
2. Ҷинсият (Gender). Пас аз он ҷинсро интихоб кардан лозим: дар тарафи чап – мард (Male), дар тарафи рост – зан (Female).
3. Санаи таваллуд (Birth Date) бо тартиби зерин пур карда мешавад: моҳ, рӯз ва соли таваллуди шумо. Хеле муҳим аст, ки ҷойҳоро иваз накунед: аввал моҳ меояд, баъд рӯз.
4. Ҷои таваллуд (City Where You Born. Аз шаҳодатномаи таваллуд танҳо ҷои таваллудро ворид кунед. Кишвар, вилоят ё минтақаро ишора накунед. Агар номи шаҳр дигар шуда бошад, варианти муосири онро ворид кунед, масалан, ба ҷои Chkalovsk – Buston.
5.Кишваре, ки шумо дар он таваллуд шудед (Country Where You Born). Аз рӯйхати кишварҳо кишвареро, ки дар он таваллуд шудаед, интихоб кунед.
6.Кишваре, ки барои иштирок дар барномаи лотереяи DV ҳуқуқ дорад (Country of Eligibility for the DV Program). Азбаски Тоҷикистон кишвари иштирокчии лотереяи грин-карта аст, ба он аломати Yes гузошта, ба қисми дигар мегузарем.
7.Сурати иштироккунанда (Entrant Photograph). Барои боргирӣ кардани акс, ба Choose New Photo пахш кунед. Дар бораи талабот барои суратҳо каме баъдтар мегӯем.
8.Суроғаи почта (Mailing Address). Дар ин бахш мо суроғаи почтаеро нишон медиҳем, ки консулгарӣ метавонад ба шумо ҳуҷҷат фиристад ва суроғаи воридкардаи шумо ба қайди шумо мувофиқат карданаш ҳатмӣ нест.
Сутунҳои зерин чӣ маънӣ доранд:
– In Care Of – адресат. Агар шумо суроғаи худро нишон диҳед, майдонро холӣ гузоштан мумкин аст;
— Address Line 1 — кӯча, рақами хона, бино, иҷора;
— Address Line 2 — ин сатр дар сурати нокифоя будани ҷой дар сатри якум истифода мешавад;
— City/Town — номи маҳалли истиқомат;
— District/Country/Province/State — вилоят ё ноҳия. Агар шумо дар Душанбе зиндагӣ кунед, танҳо номи шаҳрро ворид кунед.
— Postal Code/Zip Code — индекси почта;
— Country — кишвар аз рӯйхат.
9.Кишвари истиқомат (CountryWhere You Live Today). Аз рӯйхат “Тоҷикистон” -ро ёфта интихоб мекунем.
10.Рақами телефон (Phone Number) – майдони ихтиёрӣ аст, метавонед онро холӣ гузоред ё рақами телефони мобилӣ ё хонаро дар формати байналмилалӣ бо нишон додани рамзи кишвар ворид кунед.
11.Суроғаи почтаи электронӣ (E-mail Address). Як суроғаи почтаи электронии истифодашавандаро дар ду сатр нависед.
12. Маълумот дар бораи таҳсилот (What is the highest level of education you have achieved, as of today?). Сатҳи таҳсилоти худро интихоб кунед:
— Primary school only — мактаби ибтидоӣ;
— High School, no degree — мактаби миёнаи нопурра;
— High School degree — мактаби миёнаро бо аттестат хатм карда;
— Vocational School — омӯзишгоҳи касбӣ, литсей ё техникум;
— Some University Courses — маълумоти олии нопурра;
— University Degree — маълумоти олй;
— Some Graduate Level Courses — барномаи магистрии нотамом, вақте ки ҳадди аққал як имтиҳони ниҳоӣ супурда шудааст;
— Master’s Degree — дипломи магистратура;
— Some Doctorate Level Courses — аспирантура ё докторантураи нотамом, вақте ки ҳадди аққал як имтиҳони номзадӣ супурда шудааст;
— Doctorate Degree — зинаи номзад ё доктори илм.
Муҳим аст, ки сатҳи маълумот дар вақти пур кардани ариза ба даст оварда шудааст. Ҳатто агар то хатми донишгоҳ як ҳафта боқӣ монда бошад ҳам, на University Degree, балки Some University Courses-ро интихоб кунед.
13.Маълумот дар бораи вазъи оилавӣ (What is your current marital status?). Варианти ба шумо мувофиқро интихоб кунед:
— Unmarried — қаблан издивоҷ накардаед;
— Married — оиладор;
— Married and my spouse is NOT a U.S.citizen or U.S. Lawful Permanent Resident — дар издивоҷ бо шахсе, ки шаҳрванди ИМА ё резиденти ИМА нест;
— Married and my spouse IS a U.S.citizen or U.S. Lawful Permanent Resident (LPR) — дар издивоҷ шаҳрванди ИМА ё резиденти ИМА;
— Divorced — ҷудошуда;
— Widowed — бевазан/бевамард;
— Legally Separated — қонунан ҷудошуда. Дар Тоҷикистон чунин муодили ҳуқуқӣ вуҷуд надорад, бинобар ин мо ин вариантро ишора намедкунем.
Агар ҳамсари шумо шаҳрванди ИМА бошад ё корти сабз дошта бошад, ӯро дар аризаи худ ишора накунед.
14.Шумораи кӯдакон (Number of Children). Лутфан қайд кунед, ки шумо чанд кӯдаки то 21-сола доред.
Агар шумо ҷудо шуда бошед ва фарзандони шумо бо волидони дигар зиндагӣ кунанд, онҳоро низ бояд қайд кунед. Агар кӯдак шаҳрванди ИМА ё дорандаи корти сабз бошад, ӯро дар ариза ворид накунед.
Агар кӯдак надошта бошед, сутунро холӣ гузаред.
Боварӣ ҳосил кунед, ки ҳамаи майдонҳои пуршударо тафтиш кунед ва сипас Continue-ро пахш кунед.
Агар шумо чизеро фаромӯш карда бошед ё акси номуносибро боргирӣ карда бошед, система ба шумо мегӯяд, ки чиро ислоҳ кардан лозим аст ва ба шумо имкон намедиҳад, ки ба саҳифаи дигар гузаред.
Агар ҳама чиз дуруст бошад, аммо браузер хатогӣ содир мекунад ва ба саҳифаи дигар намегузарад, шумо эҳтимолан пурсишро зиёда аз 60 дақиқа пур кардаед ё браузери кӯҳнаро истифода мебаред.
Кӯшиш кунед, ки дархостро дубора пур кунед ё браузери худро иваз намоед.
Қисми дуюм. Маълумот дар бораи аъзоёни оила (Derivatives)
Агар шумо оиладор ё соҳиби фарзанд бошед, қисми дуюми ариза кушода мешавад. Дар ин ҷо шумо бояд маълумотро дар бораи онҳо ворид кунед, аммо сутунҳо камтаранд.
Барои ҳар як аъзои оила акси онҳоро ворид кардан лозим. Принсипи пуркунӣ ҳамон тавр аст.
Вақте ки ҳама чиз омода аст, Continue-ро пахш кунед ва саҳифа бо тамоми маълумоти воридшуда пайдо мешавад.
Маълумоти воридшударо тафтиш карда, хатогиҳоро ислоҳ намоед. Агар ҳама чиз дуруст бошад, Continue-ро пахш кунед. Дархости шумо фиристода мешавад.
Пас аз ин, саҳифае кушода мешавад, ки дар бораи қабули дархост хабар медиҳад.
Он дорои рақами тасдиқ (Confirmation Number) – маҷмӯи иборат аз 16 рақам ва ҳарфҳо.
Онро гум накунед: чоп кунед, скриншот гиред, ба ҳамсари худ бо почтаи электронӣ фиристед. Бо истифода аз он, дар моҳи майи соли оянда шумо метавонед фаҳмед, ки бурд кардед ё не.
Талабот ба сурат
Ба аксҳо барои варақаи дархост талаботҳои қатъӣ мавҷуданд. Асоситарини онҳо инҳоянд:
- Сурат бояд на дертар аз 6 моҳ пеш аз пешниҳоди дархост гирифта шуда бошад.
- Сурат бояд ранга ва мураббаъ бошад. Сар бояд дар марказ бошад ва 50-69% баландии тасвирро ишғол кунад.
- Андозаи акси чопшуда 51 × 51 мм, рақамӣ – аз 600 × 600 пиксел боло. Формат – JPG, андозаи ҳадди иҷозатдодашуда – 240 кб.
- Сурат бояд равшан, дар пасманзари равшани якранг, бе соя, бо инъикоси дақиқи ранг пӯст гирифта шуда бошад.
- Суратҳоро ранг кардан, дар муҳаррири акс коркард кардан ё тағйир додан мумкин нест.
- Бо либоси муқаррарӣ, бе айнак ё сарпӯш акс гиред. Либоси ягона мувофиқ нест, аммо метавонед бо либосе, ки шумо бо сабабҳои динӣ ё тиббӣ мепӯшед, аксбардорӣ кунед.
- Мӯйҳоро аз рӯи худ дур кунед ва мустақиман ба камера бе ягон ифодаи чеҳра нигоҳ кунед, то чашмони шумо равшан намоён шаванд.
- Агар шумо кӯдакро аксбардорӣ кунед, дар сурат набояд одамони дигар бошанд ва кӯдак бояд ба камера бо чеҳраи бетараф нигоҳ кунад. Чашмони навзод нимпӯш ё пӯшида бошад ҳам қабул аст.
Барои аксбардории кӯдаки худ, ӯро ба пушт ба рӯи матои сафед ё ба сафед наздик ҷойгир кунед.
Боварӣ ҳосил кунед, ки дар рӯи кӯдаки шумо сояе нест, хусусан вақте ки камераро дар болои ӯ нигоҳ медоред.
Шумо инчунин метавонед курсии мошинро бо матои сафед ё ба сафед наздик пӯшонда, кӯдакро дар курсӣ акс гиред.
Беҳтар аст, ки дар студияи аксбардорӣ ё маркази раводид сурат гиред. Онҳо одатан талаботро медонанд, онҳо бо пасманзар, чаҳорчӯба ва андозаи акс мушкилот надоранд.
Дар ҳар сурат, хотиррасон кунед, ки аксро коркард кардан мумкин нест, ҳатто агар мӯяш часпида ё дар ранги рӯй чизе нодуруст бошад.
Мо дар маводи қаблии худ мисолҳои аксҳои дуруст ва нодурустро оварда будем.
Бурдро чӣ тавр бояд тафтиш кард
Натиҷаҳои лотереяро дар моҳи май соли оянда баъди пешниҳоди дархост маълум кардан мумкин аст. Натиҷаҳои DV-2025 4 майи соли 2024 маълум хоҳанд шуд.
Барои фаҳмидани натиҷаҳо, ба сомонаи лотерея ворид шуда, ва Check Status-ро пахш кунед.
Рақами тасдиқии пас аз бақайдгирии дархост додашуда, насаб, соли таваллуд ва рамзи тасдиқро, ки дар саҳифа мебинед, ворид кунед.
Дар хотир доред: Департаменти давлатии ИМА иштирокчиёни лотереяро аз бурд огоҳ намекунад.
Агар шумо тафтиш кардани натиҷаро фаромӯш кунед, ҳеҷ кас ба шумо дар бораи бурд ё мағлубият хабар намедиҳад.
Баъзан Департаменти давлатӣ метавонад тавассути почтаи электронӣ огоҳинома фиристад, то шумо ҳолати дархости худро дар бахши «Entrant Status Check» тафтиш кунед.
Аммо, ин маънои онро надорад, ки шумо ғолиб омадаед. Департаменти давлатӣ инро намедонад, вай танҳо мехоҳад ғолибони эҳтимолиро пайдо кунад.
Агар шумо рақами тасдиқи худро фаромӯш карда бошед, шумо метавонед онро дар бахши «Entrant Status Check (ESC)» ба суроғаи почтаи электроние, ки ҳангоми бақайдгирӣ нишон додаед, дархост кунед.
Агар шумо дар лотерея бурд кардед, шумо метавонед дар бораи қадамҳои минбаъда аз ин мавод маълумот гиред.
