Ҳодиса рӯзи 14-уми апрел дар деҳаи Сафедмони ҷамоати деҳоти Қалъаи Лаби Об рух додааст.
Ба иттилои Кумитаи ҳолатҳои фавқулодда, рӯзи гузашта, тахминан соати 11:00 ду писарбачаи 4 ва 6-сола, ки бе назорати калонсолон дар назди дарёи Шурак буданд, ба об афтида ғарқ шудаанд.
Наҷотдиҳандагони Раёсати КҲФ дар минтақаи Рашт ҷасади кӯдаки 6-соларо ҳамон рӯз пайдо карда, ба пайвандонаш супурдаанд.
Ҷасади кӯдаки 4-сола бошад, субҳи 15-уми апрел, тақрибан 200 метр поёнтар аз ҷойи ҳодиса дарёфт ва ба хешовандонаш супурда шудааст.
Кумита аз волидайн хоҳиш менамояд, ки ба амнияти фарзандон диққати ҷиддӣ диҳанд.
