Аз 1 январи соли 2026 дар 45 шаҳр ва ноҳияи кишвар тарифҳои оби нӯшокӣ, канализатсия ва дигар хизматрасониҳои коммуналӣ афзоиш ёфтанд. Дар ин бора дар Кумитаи хоҷагии манзилию коммуналӣ хабар доданд.
Нархи хизматрасониҳо чӣ қадар зиёд шуд?
- барои аҳолӣ — 15%
- барои корхона ва ташкилотҳо — 30%
Ҳоло об чӣ қадар арзиш дорад?
Тарифҳои нав вобаста ба минтақа фарқ мекунанд, вале дар маҷмуъ:
Оби нӯшокӣ барои аҳолӣ
- аз 1,40 то 1,82 сомонӣ барои 1 м³
Канализатсия
- аз 0,76 то 0,99 сомонӣ барои 1 м³
Барои ташкилотҳои буҷетӣ
- аз 2,26 то 3,90 сомонӣ барои 1 м³
Барои корхонаҳои хусусӣ ва тиҷоратӣ
- аз 4,52 то 7,25 сомонӣ барои 1 м³
Агар ҳисобкунаки об дошта бошед, пардохт аз рӯи истеъмоли воқеӣ сурат мегирад. Бе ҳисобкунак меъёр истифода мешавад – ба ҳисоби миёна 5,4 м³ об дар як моҳ барои ҳар нафар.
Нархи бурдани партов низ боло рафт
- Тарифи миёна барои бурдани партовҳои маишӣ – 4,74 сомонӣ
- Бурдани партов – 6,83 сомонӣ барои 1 м³
- Барои ҳар як километри иловагӣ – +0,80 сомонӣ
Дар Душанбе чӣ гуна аст?
Дар пойтахт гароншавии тарифҳо аз сентябри соли 2025 ҷорӣ шудааст.
Ҳоло тарифҳои нархи об чунинанд:
- барои аҳолӣ (бо ҳисобкунак) – 2,60 сомонӣ барои 1 м³
- барои ташкилотҳои буҷетӣ – 3,59 сомонӣ
- барои ширкатҳои тиҷоратӣ – 9,10 сомонӣ
Барои онҳое, ки ҳисобкунак надоранд:
- дар хонаҳои баландошёна – 28,07 сомонӣ дар як моҳ барои ҳар нафар
- дар хонаҳои хусусӣ бо канализатсия – 23,39 сомонӣ
- ҳангоми истифода аз сутунҳои кӯчагӣ – 7,41 сомонӣ
Чаро тарифҳо гарон шуданд?
Дар Кумитаи хоҷагии манзилию коммуналӣ мегӯянд, ки гароншавии нархҳо барои навсозии шабакаҳо, таъмири инфрасохтор ва беҳтар кардани сифати хизматрасониҳои коммуналӣ зарур аст.
Тарифҳои нав аллакай дар зиёда аз 45 шаҳр ва ноҳияи Тоҷикистон амал мекунанд.