Дар шаҳри Женева масъалаи ҳамкориҳои Тоҷикистону Швейтсария дар соҳаи сайёҳӣ ва ҷалби сайёҳон ба Тоҷикистон баррасӣ шуд.
Дар ин хусус муовини раиси Кумитаи рушди сайёҳии Тоҷикистон Зиёдулло Салимзода бо директори генералии ширкати TRADE WINGS Voyages Гийом Винтростайн ва директори генералии ширкати Executive Travel Оливер Эмч мулоқот кардааст.
Дар мулоқот татбиқи лоиҳаҳои муштарак, ташкили чорабиниҳои таблиғотӣ ва муаррифии имкониятҳои сайёҳии Тоҷикистон дар бозори Швейтсария пешниҳод шудааст.
Зикр мешавад, ки чунин иқдомҳо барои ҷалби сармоягузорон ва рушди устувори бахши сайёҳӣ заминаи мусоид фароҳам меорад.
