Ҳалокати зани роҳрӯб дар садамаи нақлиётӣ

Раёсати ВКД дар шаҳри Душанбе аз боздошти ҷавони 22-солае хабар дод, ки бо мошини тамғаи “БМВ” зани роҳрӯбро пахш кардааст.

Ҳодиса субҳи 23-юми июл дар кӯчаи Соҳилии пойтахт рух дода, ҷабрдида дар ҷойи ҳодиса ба ҳалокат расидааст.

Манбаъ меафзояд, ки “соати 5:10 дақиқа, ронандаи автомашинаи тамғаи номаълум зимни ҳаракат дар роҳи мошингарди кӯчаи Соҳилӣ, аз самти кӯчаи А.Деҳотӣ ба самти кӯчаи С.Шерозӣ як нафар зани 54-сола, корманди корхонаи коммуналии ноҳияи Фирдавсиро пахш намуда, аз ҷойи ҳодиса фирор кардааст”.

Назари ронанда, ки аз ӯ Умарҷон Раҷабов ном бурда шуд, маълум нест ва ба навиштаи мақомот ӯ аз ҷои ҳодиса фирор карда, бо мақсади озод шудан аз ҷавобгарӣ воситаи нақлиёти худро дар кӯчаи Қаҳҳоров пинҳон мекунад.

Давоми моҳи июл садамаи маргбори фоҷиавӣ 2-уми июл дар ноҳияи Файзобод рух дода буд, ки дар натиҷаи он 11 нафар ба ҳалокат расида расида, 4 каси дигар ҷароҳат бардошта буданд.

Гуфта мешуд, хурдсолтарин қурбонии фалокат 2-сола ва бузургсолтаринаш 64-сола аст.

Фоҷиа рӯзи 2-уми июл дар ҳудуди деҳаи Шаҳтакиёни ноҳияи Файзобод рух дода буд.

Қурбониёнро ду ва ё се нафарӣ узви як оила буданд.