Таркиши фоҷеабори мошини ҳомили газ дар роҳи Душанбе - Чаноқ

Дар натиҷаи таркиши мошини ҳомили газ дар роҳи Душанбе -Ҷаноқ дар маҷмӯъ 3 нафар ба ҳалокат расида 4 нафари дигар ҷароҳат бардошта дар беморхона бистарӣ шудаанд.

Дар ин бора аз ширкати IRS ба Азия-Плюс хабар додаанд хабар додаанд.

Ба иттилои манбаъ, хабарҳо дар бораи он, ки мошин ба автобуси "Asian Express" бархӯрдааст, нодурустанд.

Ҳамчунин ронандаи мошини ҳомили газ низ зинда ва дар беморхона аст.

"Мошини ҳомили газ зимни ҳаракат тормозаш аз кор монда ба ду мошин бархӯрдааст. Ҳалокшудагон ба гуфте тамошобинони ҳодисаанд. Дар байни ҳалокшудагон зан низ ҳаст, ки дар зери автобуси "Asian Express" монда фавтидааст", гуфтанд аз IRS .

Автобуси "Asian Express"  ба ҷӯйбори (латок) лаби роҳ бархӯрдааст ва дар он, ки 17 меҳмони голандӣ будаанд, ҳама саломатанд.

Гуфта мешавад, ки дар ҷои ҳодиса намояндагони ҳамаи ниҳодҳои масъул қарор доранд ва тафтишот идома дорад.