Таоми тоҷикии “Оши бурида”-ро чӣ тавр тайёр мекунанд

“Оши бурида” – хӯроки қадимаи тоҷикӣ. Онро асосан дар фасли тобистон, ҳангоми фаровонии кабудиҳои хушбӯй ва сабзавот омода мекунанд.

Тарзи омода кардани “лапшаи тоҷикӣ”-ро Сафармо Солиева, корманди шуъбаи маорифи шаҳри Норак нишон медиҳад.

Маҳсулот ва дастурамали тайёр кардани “Оши бурида”:

• Ба об намак, тухм, орд илова мекунем. Хамири сахт мехобонем.
• Хамирро ду маротиба 10 дақиқагӣ дам медиҳем.
• Хамирро тунук карда, угро мебурем.
• Дар деги калон лӯбиёи сафедро меҷӯшонем.
• Кабудии калон резакардашуда, барги лаблабу, барги зуф, райҳон ва пудинаро дар дег ба лӯбиё ҳамроҳ мекунем.
• Барои хӯриши иловагӣ зарур аст:
• Пиёз, гашнич, шибит ва қаламфури булғориро реза мекунем. Намак илова карда, ҳамаро якҷоя мекӯбем.
• Ба кӯфтаи пиёз ва кабудӣ помидор ва бодиринги резакардаро илова мекунем.
• Угрои дамёфтаро якҷо бо кабудӣ ва лӯбиё 10 дақиқа меҷӯшонем.

Пешниҳоди таом:

Угрои тайёрро ба табақи калон мегирем, аз болояш хӯриши иловагӣ ва чаккаро ҳамроҳ мекунем.

Иштиҳои том!