Соли 2022 Тоҷикистон зиёда аз 1,6 ҳазор шаҳрванд ба Маркази пешгирии хушунат ва баробарии гендерӣ муроҷиат кардаанд. Раиси Кумитаи кор бо занон ва оилаи назди Ҳукумати Тоҷикистон, Ҳилолбӣ Қурбонзода зимни нишасти матбуотӣ дар ин бора маълумот дод.
Ба гуфтаи ӯ аз ин шумора 199 мард ва 1422 зан аз хушунати хонаводагӣ шикоят кардаанд.
Ӯ гуфт, ҳамагӣ дар як сол 3397 муроҷиати шаҳрвандон дар мавриди хушунат дар хонавода санҷида шудааст. Гуфта мешавад, ки дар муқоиса бо соли гузашта теъдоди шикоятҳо коҳиш ёфтааст.
«Бо 1040 нафари онҳо суҳбати телефонӣ ва бо 581 нафарашон мулоқоти инфиродӣ гузаронида шуд. Ба 821 нафар машваратҳои равоншиносӣ ва ба 800 нафар машваратҳои ҳуқуқӣ дода шуд», – афзуд Ҳилолбӣ Қурбонзода.
