Сароянда ва оҳангсоз, Ҳунарпешаи мардумии ҶШС Узбекистон ва Тоҷикистон Шералӣ Ҷӯраев рӯзи 4 сентябр дар шаҳри Тошканд даргузашт.
Дар ин бора дафтари матбуоти Вазорати фарҳанги Узбекистон хабар медиҳад. Манбаъ менависад, ҳунарманд вақтҳои охир бемор буд.
Гуфта мешавад, маданият ва санъати узбек талафоти ҷиддӣ дид. Ҳунарпешаи мардумии Узбекистон Шералӣ Ҷӯраев, ки ба дили миллионҳо нафар роҳ ёфта буд, пас аз бемории тӯлонӣ дар синни 77-солагӣ даргузашт.
Шералӣ Ҷӯраев дар шаҳри Асакаи вилояти Андиҷон таваллуд шудааст. Соли 1976 Донишкадаи давлатии санъат ва фарҳанги Ӯзбекистонро хатм кардааст. Дар ансамбли суруд ва рақси «Шодлик», Филармонияи вилоятии Андиҷон ва Филармонияи давлатии Узбекистон кор кардааст.
Соли 1989 Узбекистон, Тоҷикистон ва Озарбойҷон филми мусиқии таърихии «Шералӣ ва Айберчин»-ро ба намоиш гузоштанд, ки дар он Ҷӯраев нақши асосиро бозидааст.
Ӯ инчунин сенариянавис ва оҳангсози филм буд. Ҷӯраев тавонист беш аз ҳазор суруд нависад ва беш аз шашсад сурудро иҷро кунад.
