Шахсе, ки ба Саидмукаррам Абдулқодирзода ҳамла кард, бо ифротгароӣ муттаҳам шудааст

Саидмукаррам Абдулқодирзода, раиси Шӯрои уламои Тоҷикистон дар хусуси ҳамлае, ки моҳи сентябри соли гузашта нисбати ӯ сурат гирифта буд, гуфт, ҳоло суд идома дорад. Ба гуфтаи муфтӣ, ҷавони дастгиршуда “пушаймон шуда”, гуфтааст, ки ӯро “васвос карда” ба ин роҳ “таҳрик доданд”.

“Давраи аввали суд даъват шуд. Ман ҳамон рӯзҳо банд будам ва намояндаи худро равон кардам”,- гуфт ӯ зимни нишасти матбуотии Кумитаи дин рӯзи 31-уми январ.

Абдулқодирзода афзуд, ҷавони дастгиршуда узри худро расонидааст, вале гуфт то ба ҳол бо ӯ дидор надоштааст. Ба гуфтаи ӯ, дастгиршуда аз гурӯҳи ифротгароён аст.

Ба Саидмукаррам Абдулқодирзода шоми 11-уми сентябр, баъди намози аср як шахси ношинос дар назди масҷиди марказии шаҳри Душанбе бо корд ҳамла карда буд.

Skip to toolbar