Санаи дақиқи иди Рамазон расман эълон шуд

Иди Фитр дар Тоҷикистон 30-юми март ҷашн гирифта мешавад. Дар ин бора Кумитаи  дин ва танзими ҷашну маросим хабар дод.

Ҳамин тавр моҳи шарифи Рамазон имсол 29 рӯз идома мекунад.

Дар нишасти Шӯрои уламои кишвар, имрӯз, 27-уми март инчунин, қарор дода шудааст, ки намози иди Рамазон дар тамоми масҷидҳои Тоҷикистон рӯзи 30-юми март соати 6:45 хонда мешавад.

Манбаъ менависад, дар нишаст имомхатибон вазифадор шудаанд, ки мардумро барои расонидани кӯмаки моддӣ ба муҳтоҷону ниёзмандон, инчунин пешгирии исрофкориҳо дар рӯзҳои ид ва сарфаю сариштакорӣ даъват намоянд.

Тибқи қарори Шӯрои уламо имсол фитри рӯза 8 сомонӣ, нисоби закот аз 36 ҳазор сомонӣ 900 сомонӣ ва фидяи савм барои соҳибони узри шаръӣ – 480 сомонӣ барои 30 рӯз (барои як рӯз 16 сомонӣ) муайян гардидааст.