"Саломатии бардавом ва комёбиҳои нав". Мирзиёев дар интихобот пирӯз шуд

Шавкат Мирзиёев бар асоси маълумоти пешакии КМИР бо касби 87,05% овозҳо дар интихоботи пеш аз муҳлати президентӣ пирӯз шуд.

“87,05% аз шумори умумии интихобкунандагон ба тарафдории номзад аз Ҳизби либерал-демократии Узбекистон Шавкат Мирзиёев овоз доданд”,- гуфт раиси комиссияи интихоботии ин кишвар Зайниддин Низомхоҷаев рӯзи душанбе дар нишасти матбуотӣ.

Номзад аз Ҳизби сотсиал-демократии “Адолат”, муовини аввали раиси Суди Олӣ Робахон Маҳмудова бо ба даст овардани 4,43% овозҳо дар ҷойи дуюм ва раиси Ҳизби Халқии Демократии Узбекистон (ҲХДТ) Улуғбек Иноятов бо 4,02% дар ҷойи сеюм қарор доранд.

Дар мақоми чорум раиси Ҳизби экологӣ Абдушукур Ҳамзаев бо 3,74% овоз гирифт.

Дар ҳамин ҳол, Эмомалӣ Раҳмон Шавкат Мирзиёевро ба муносибати пирӯзӣ дар интихоботи президентии Узбекистон табрик гуфт.

Ӯ зимни суҳбати телефонӣ ба Мирзиёев саломатии бардавом ва дар фаъолияти давлатиаш комёбиҳои нав орзу кард.

Ҷонибҳо инчунин вазъият ва дурнамои муносибатҳои дӯстӣ ва шарикии стратегии Тоҷикистону Узбекистонро баррасӣ кардаанд.