Моҳи апрели 2025 дар доираи барномаи байналмилалии IVLP як гурӯҳи намояндагон аз Тоҷикистон ба ИМА сафар карданд.
IVLP (International Visitor Leadership Program) – яке аз барномаҳои маъруфи мубодилаи касбӣ дар Амрико аст, ки ба рушди раҳбарон, табодули таҷриба ва фарҳангӣ равона шудааст.
Ҳамкори мо, Беҳрӯз Насриддинов ҳамчун намояндаи Your.tj дар ин сафар иштирок кард ва аз таҷрибаҳояш қисса намуд.
Сафар аз Вашингтон оғоз ёфт. Ба намояндагони Тоҷикистон дар бораи шаффофият, “open data”, амнияти рақамӣ ва ҳуқуқи рақамии шаҳрвандон маълумоти зиёд доданд.
Дар иёлати Алабама ва Монтана бо идоракунии рақамии маҳаллӣ, дастрасӣ ба интернет, ҳифзи муҳити зист ва саводнокии рақамӣ шинос шуданд. Дар Сиетл бо акселераторҳо ва марказҳои стартапӣ мулоқот карданд.
Ин сафари омӯзанда барои намояндагони Тоҷикистон на танҳо таҷрибаи касбӣ, балки дӯстӣ, шиносоӣ бо фарҳанг ва як ангезаи тозае буд.
