Рақамикунонии тиҷорат дар замони муосир аз муҳимтарин омили пешбурди он аст. Имрӯз мо дар бораи шаклгирии рақамии тиҷорат ва тамоюлҳои наве, ки метавонанд барои тиҷорати тоҷикӣ мувофиқ бошанд, суҳбат мекунем. Дар меҳмони мо Беҳрӯз Ниёзов, мутахассиси автоматикунонии тиҷорат ва рушди CRM ҳастанд.
Мо ин силсиларо бо дастгирии барномаи “Машварат барои тиҷорати хурд”-и Бонки аврупоии таҷдид ва рушд менависем.
Зеҳни сунъӣ, компютер, телефон, интернет ва ҳамаи технологияҳои нави коммуникатсионӣ, ки имрӯз кори моро осон мекунанд, рақамикунонӣ аст. Яъне ҳар коре, ки мо пештар тавассути дафтару қалам анҷом медодем, ҳоло хеле зуд ва осон бо ин технология иҷро мекунем.
“Бисёре аз соҳибкорони навкор боварӣ доранд, ки моҳияти асосии рақамикунонӣ танҳо дар мавҷудияти сомонаи ширкат аст. Вале ба ин фикр бо онҳо розӣ шуда наметавонам. Барои он ки пеш аз сомона доштан бояд аввал дигар чиз дошта бошад, масалан назорати тиҷорат”,- шарҳ дод ҳамсуҳбати мо.
Ӯ ба таври мисол гуфт, дар мағозаҳои хурд тоҷирон бояд аввал рӯйхати молҳои худро дар компютер тартиб диҳанд. Сомонаро баъдтар сохтан ҳам мумкин. Он метавонад саҳифаи Фейсбук, Инстаграм ё дигар шабакаҳои иҷтимоӣ бошад.
Ба гуфтаи Беҳрӯз одамон набояд ба ҳар коре, ки компютер ё телефон анҷом дода метавонад худро банд созанд ва ин аллакай оғози рақамикунонии тиҷорат аст.
“Мисоли одӣ, тоҷирони мо то ҳол дафтари қарз доранд, ки ба он ҳар рӯз даҳҳо нафарро номнавис мекунанд ва дар ҳолати зарурӣ саргардон мешаванд, дар ҳоле ки ҳамин корро ҳамагӣ дар чанд дақиқа иҷро кардан имкон дорад”,- афзуд меҳмони мо.
Беҳрӯз дар масъалаи доштани мутахассис ё ба ихтиёри аутсорс гузоштани тиҷорат гуфт, кидар оғози кор ба аутсорс такя кардан беҳтар аст. Зеро онҳо аллакай медонанд, ки тиҷоратро чӣ тавр пеш баранд.
“Вақте тиҷораткор таҷрибаи кофӣ пайдо мекунад, метавонад мутахассисро ба пешбурди тиҷораташ ҷалб кунад. Ӯ то ин дам метавонад тарзи кор аутсорсро омӯзад. Ман тавсия медиҳам, ки дар оғози кор бо аутсорс кор карда, баъд мутахассисони худиро ҷалб кунанд”,- гуфт вай.
Беҳрӯз гуфт, агар ягон намуди тиҷоратро оғоз мекард. Пеш аз ҳама системаи назорати даромаду хароҷоташро рақамӣ мекард.
Шумо метавонед шакли аудиоиро дар инҷо гӯш кунед:
Маълумоти бештарро оид ба иштирок дар барномаи “Машварат барои тиҷорати хурд” бо рақамҳои телефони +992 487011325 гирифта метавонед (Малика, Дилноза).
Силсилаи подкастҳо бо дастгирии барномаи Бонки аврупоии таҷдид ва рушд “Машваратҳо барои тиҷорати хурд” дар Тоҷикистон омода шудааст. Барнома аз ҷониби Ҳукуматҳои Швейтсария ва Ҷопон тавассути Фонди тиҷорати хурди БАТР, ки аз ҷониби Италия, Корея, Люксембург, Норвегия, ҳукумати Швейтсария, Шветсия, ИМА, Фонди ҳамкории техникии тиҷорати Тайван маблағгузорӣ карда мешавад, дастгирӣ меёбад.
Ақидаҳои мусоҳибон метавонад бо ақидаҳои донорон мувофиқат накунад.
