Парлумони Тоҷикистон пешниҳоди президенти кишвар, Эмомалӣ Раҳмонро дар мавриди барканор кардани Юсуф Раҳмон аз мансаби прокурори гереналӣ ва бозхонди Шермуҳаммад Шоҳиён аз вазифаи раиси Суди Олӣ пазируфт.
Иҷлосияи бистуякуми Маҷлиси миллии Маҷлиси Олӣ, даъвати шашум имрӯз, 3-юми феврал таҳти роҳбарии Рустами Эмомалӣ баргузор гардид.
Дар ин иҷлосия инчунин, пешниҳоди президент оид ба таъйин намудани Рустам Мирзозода ба мансаби раиси Суди Олӣ ва Ҳабибулло Воҳидзода ба вазифаи прокурори генералӣ қабул гардид.
Ба навиштаи сомонаи Маҷлиси миллии Маҷлиси Олӣ, дар иҷлосия 44 масъала мавриди баррасӣ қарор гирифтанд.
Эмомалӣ Раҳмон президенти Тоҷикистон моҳи январ фармони барканории Юсуф Раҳмон ва Шермуҳаммад Шоҳиёнро имзо карда, барои ризоият ба Маҷлиси миллии Маҷлиси Олӣ ирсол намуд.
Юсуф Раҳмон пас аз даҳ соли соҳибӣ ба курсии прокурори генералӣ ҳанӯз маълум нест, ки чӣ вазифаи наве мегирад.
