Хусравхон Раҳимов муштзани 23-солаи тоҷик бар Хуҷаназар Нортоҷиев аз Узбекистон дар вазни 57 кг ғолиб омада, ба даври ниҳоии мусобиқоти қаҳрамонии ҷаҳон роҳ ёфт.
Набарди муштзани тоҷик, имрӯз, 12 декабр дар Дубай (АМА) доир гардид. Хусравхон Раҳимов бо қарори якдилонаи доварон (5:0) ҳарифашро мағлуб кард.
Дар финал ӯ бо мушзани қазоқ Оразбек Асилқулов ба майдон мебарояд.
Ба иттилои Федератсияи бокси Тоҷикистон, имсол кишвари моро дар ин мусобиқа 13 варзишгар намояндагӣ мекунанд.
Қаҳрамонии ҷаҳон то 13 декабр идома меёбад. То кунун Акмал Убайдов дар вазни 60 кг медали биринҷӣ ба даст овардааст.
