Марги се фарзанди ноболиғи як сокини Ваҳдат дар натиҷаи сӯхтори манзилаш

Дар натиҷаи сӯхтор дар манзили истиқоматии як сокини деҳаи Ҷангалободи шаҳри Ваҳдат се ноболиғ фавтидааст. Дар ин бора Вазорати корҳои дохилӣ хабар дод.

Сӯхтор шаби 7-уми июн, тахминан соати 23:51 дар хонаи Холмуродов Карими 37-сола рух дода, масоҳати 35 метри мураббаъро фаро гирифтааст.

 

Посмотреть эту публикацию в Instagram

 

Публикация от YOUR TJ (@your_tj)

Дар натиҷа, аз дуди ғализ 3 фарзанди ноболиғи ӯ фавтидаанд.

Гуфта мешавад, ки кӯдакон 5, 8 ва 10-сола будаанд.

Дар ҳамин ҳол, аз идораи ҳолатҳои фавқулодаи шаҳри Ваҳдат ба Радиои Озодӣ гуфтаанд, ки сӯхтор 6-уми июн дар пайи оташ гирифтани сими нерӯдиҳандаи телефон сар задааст.

Вале ба навиштаи ВКД, сабаби сӯхтор беназорат гузоштани шамъ мебошад.

Манбаъ менависад, аз рӯи ин ҳодиса таҳқиқот идома дорад.