Дар шаҳри Душанбе як ноболиғи 16-соларо мошин пахш карда, дар натиҷа ӯ ба ҳалокат расидааст. Дар ин бора Раёсати ВКД дар пойтахт хабар дод.
Тибқи иттилои манбаъ, ҳодиса 3-юми апрел, тахминан соати 16:30 дақиқа дар кӯчаи Б.Ғафурови ноҳияи Сино рух додааст.
Гуфта мешавад, ронандаи автомашинаи тамғаи “Lexus” Юсуфзода Юсуф аз уҳдаи идораи нақлиёт набаромада, пиёдагарди ноболиғ Акрамов Ҷ., сокини 16-солаи шаҳри Душанберо пахш намудааст.
Дар натиҷа пиёдагард ҷароҳати ҷисмонӣ бардошта, ҳангоми ба беморхона дастрас намудан, ба ҳалокат мерасад.
Ба иттилои манбаъ, ҳодисаи мазкур мавриди тафтишоти пешакӣ қарор дорад.