Марги 5 нафар, аз ҷумла 3 ноболиғ дар як садама дар Суғд

Дар натиҷаи бархӯрди ду мошин дар ноҳияи Ҷаббор Расулов 5 нафар ҷон бохта, 4 каси дигар ҷароҳат бардоштаанд. Дар ин бора Вазорати корҳои дохилӣ хабар дод.

29-уми май ронандаи автомашинаи тамғаи «Опел-Комбо», Қурбанбоев Дониёри 23-сола, сокини ноҳияи Ҷ.Расулов, ҳангоми ҳаракат дар роҳи мошингарди ҷамоати деҳоти Гулхонаи ин ноҳия ба самти муқобили роҳ баромада, ба сабукрави тамғаи «Опел-Зафира», таҳти идораи Ҷумахмедов Атохони 36-сола бархӯрдааст.

 

Посмотреть эту публикацию в Instagram

 

Публикация от YOUR TJ (@your_tj)

Дар натиҷа, ҳарду мошин оташ гирифта, ронанда ва мусофирони ноболиғи «Опел-Зафира»: Мирзошавкатзода Муслиҳиддин, Асадхонзода Муҳаммадхон ва Сулаймонов Ҳадятуллои 16-сола, инчунин мусофири автомашинаи тамғаи «Опел-Комбо», Обидов Обидҷони 31-сола дар ҷойи ҳодиса ба ҳалокат расидаанд.

Ронандаи «Опел-Комбо» ва 3 мусофири «Опел-Зафира» ҷароҳатҳои вазнини ҷисмонӣ бардошта, дар беморхона бистарӣ гардидаанд.

Манбаъ менависад, оид ба ин ҳодиса таҳқиқот идома дорад.