Криштиану роналду ба Душанбе намеояд

Криштиану Роналду дар бозии “Истиқлол” ва “Ал-Наср” иштирок намекунад.

“Капитани дастаи “Ал-Наср”-и Саудӣ ва тими Португалия Криштиану Роналду дар бозии даври шашум дар лигаи Чемпионҳои АФК бо “Истиқлол” иштирок намекунад”,- хабар додааст “Истиқлол” дар саҳифаи худ дар Инстаграм.

Маъмурияти бошгоҳи “Ал-Наср” гуфтаанд, Криштиану дар дидор бо “Персеполис”-и Эрон захм бардоштааст ва то ҳол натавонистааст шифо ёбад.

Дастаи “Истиқлол”-и Тоҷикистон бо тими “Ал-Наср”-и Арабистони Саудӣ санаи 5-уми декабр вориди майдон мешаванд.

Федератсияи футболи Тоҷикистон хабар дода буд, ки беш аз 10 ҳазор билети ин бозӣ фурӯхта шудааст.

Билет бо нархҳои 100, 300 ва билети дараҷаи олӣ (VIP) 3000 сомонӣ муқаррар шуда буд.

Дар бозии даври дуюми дастаҳои “Ал-Наср” ва “Истиқлол” 2-юми октябр дар варзишгоҳи “Ал-Аввал Парк”-и шаҳри Риёз бозӣ карда буданд. Дар ин бозӣ “Ал-Наср” бо ҳисоби 3:1 ғалаба карда буд.