fbpx

Эмомалӣ Раҳмон барои таҷлили Наврӯз ба Суғд меравад

Дар он ҷо президент дар маросими ифтитоҳи як қатор объектҳо низ иштирок мекунад.


0
Президенти Тоҷикистон
Акс аз хадамоти матбуоти президент

Эмомалӣ Раҳмон бо як сафари серӯзаи корӣ ба шимоли Тоҷикистон меравад. Дар вилояти Суғд ӯ ҳамчунин дар таҷлили ҷашни Наврӯз ширкат хоҳад кард.

Ба иттилои хадамоти матбуоти президент, сафари Раҳмон ба вилояти Суғд рӯзҳои 29 – 31 – уми март дар назар аст. Дар он ҷо президент дар маросими ифтитоҳи як қатор объектҳо низ иштирок мекунад.

«Дар доираи сафари корӣ сарвари давлат аз ноҳияҳои Хуҷанд, Гулистон, Истиқлол, Зафаробод, Бобоҷон Ғафуров ва Ҷаббор Расулов дидан мекунад»,- иттилоъ медиҳад манбаъ.

Дар рӯзҳои аввали таҷлили Наврӯз Эмомалӣ Раҳмон дар Амрико буд ва дар конфронси оби СММ ширкат дошт. Вай 25 март ба Душанбе баргашт.

Қаблан хабар дода шуда буд, ки чорабиниҳои асосии идона дар сатҳи ҷумҳуриявӣ ба ифтихори Наврӯзи имсола дар шимоли кишвар – дар Хуҷанд баргузор мешаванд. Ба он ҷо намояндагони зиёиёни эҷодкор ва мадании мамлакат, ҳайатхои намояндагони хориҷӣ ҳамчун меҳмон даъват карда мешаванд.

Бахшида ба ҷашни Наврӯз дар Хуҷанд ва дигар шаҳру навоҳии Суғд пойгаи аспдавонӣ, бузкашӣ, ҷашнвораҳои «Сайри гули лола», «Арӯси наврӯзӣ» ва «Маликаи баҳор» барпо мегардад.

Соли гузашта дар ноҳияи Балхии вилояти Хатлон ба ифтихори Наврӯз дар сатҳи ҷумҳуриявӣ чорабиниҳои идона баргузор шуда буданд.

Дар Тоҷикистон имсол сокинони кишвар ҳашт рӯз истироҳат карда, иди байналмилалии Наврӯзро аз 20 то 27 – уми март таҷлил карданд.


Маъқул шуд? Ба рафиқонат фирист

0

What's Your Reaction?

Зачет;Беҳтарин Зачет;Беҳтарин
1
Беҳтарин
Бесит; Асабӣ шудам Бесит; Асабӣ шудам
0
Асабӣ шудам
Сочувствую;ҳамдардам Сочувствую;ҳамдардам
1
ҳамдардам
Супер;Зур Супер;Зур
0
Зур
Окей!;Окей! Окей!;Окей!
0
Окей!
Как так-то?; Ин чӣ хел шуд? Как так-то?; Ин чӣ хел шуд?
1
Ин чӣ хел шуд?

Send this to a friend