Имрӯз, 3-юми апрел Эмомалӣ Раҳмон президенти Тоҷикистон барои иштирок дар нишасти сарони давлатҳои Осиёи Марказӣ – Иттиҳоди Аврупо ба Узбекистон меравад.
Дар ин бора АМИТ “Ховар” хабар дод.
Гуфта мешавад, нишаст 3-4 апрел дар шаҳри Самарқанди баргузор мегардад.
Ба иттилои манбаъ, дар ин ҳамоиш роҳбарони панҷ давлати Осиёи Марказӣ, раиси Шӯрои Аврупо Антониу Кошта, раиси Комиссияи Аврупо Урсула фон дер Лейен ва дигар шахсони расмӣ иштирок хоҳанд дошт.
Дар ҳошияи ҳамоиш, ки таҳти шиори “Сармоягузорӣ ба оянда” баргузор мегардад, ҳамчунин як қатор мулоқотҳои дуҷонибаи Эмомалӣ Раҳмон дар назар аст.
