Эмомалӣ Раҳмон, президенти Тоҷикистон бо сафари давлатӣ ба Қирғизистон меравад. Вазорати корҳои хориҷии кишвар хабар медиҳад, ки ин сафар 12-13 марти соли равон сурат мегирад.
“Дар рафти ин сафар ҳамкории дуҷонибаи Тоҷикистону Қирғизистон ва дигар масоили мавриди эҳтимоми тарафайн баррасӣ хоҳад шуд”, – иттилоъ медиҳад ин ниҳод.
Интизор меравад, ки дар натиҷаи мулоқоти роҳбарони ду кишвар як қатор санадҳо ба имзо расад.
Ёдовар мешавем, ки 21-уми феврал дар шаҳри Бишкек созишномаи ниҳоии таъини хати марзи ду кишвар имзо гардид.
Пас аз эълони натиҷаи муайяннамоии марзи ду кишвар гуфта мешуд, ки санади ниҳоиро порлумони ду кишвар тасвиб ва роҳбарони давлатҳо имзо хоҳанд кард.
