Раёсати ВКД дар шаҳри Душанбе барои дарёфти маълумоти саҳеҳ дар бораи ду духтараки гумшуда – Сабина ва Малика Араловаҳо, 500 ҳазор сомонӣ мукофот таъйин кардааст.
Гуфта мешавад, ин ду нафар рӯзи 25 марти соли 2013 аз манзили зисташон дар кӯчаи Садриддин Айнӣ, бинои №32/1 берун рафта, ба самти номаълум равона шудаанд ва то кунун бедарак мебошанд.
Раёсат аз шаҳрвандон хоҳиш мекунад, ки дар муайян намудани тақдири онҳо мусоидат намоянд.
Ҳар шахсе, ки маълумоти дақиқ ва боэътимод пешниҳод мекунад, аз ҷониби Раёсат бо маблағи 500 ҳазор сомонӣ мукофотонида мешавад.
Телефон барои тамос: 2210057 ва +992 018-02-02-02.
