Як ҷавони 18-сола бо гумони одамкушӣ дастгир шуд

Як сокини 18-солаи шаҳри Душанбе бо гумони одамкушӣ дастгир шудааст. Дар ин бора Раёсати ВКД дар пойтахт хабар дод. 

Гуфта мешавад, Р.Л. қаблан тавассути шабакаҳои иҷтимоӣ бо марҳум Мирзоев Шаҳром, сокини 20-солаи шаҳри Ҳисор нофаҳмиҳои лафзӣ доштаанд.

«Ин нофаҳмиҳо ба хусумату бадбинӣ табдил ёфта, номбурдагон 5-уми декабр дар кӯчаи И.Сомонӣ бо ҳамдигар вохурда, муноқиша ва якдигарро латукӯб кардаанд»,- иттилоъ медиҳад манбаъ.

Гумонбаршаванда Р.Л. бо корди қаблан бо худ оварда, беш аз 8-маротиба ба узвҳои гуногуни Мизоев Ш. зарба зада қасдан ӯро аз ҳаёт маҳрум намудааст.

Раёсат хабар медиҳад, ки ҳоло Р.Л. дар ҳабс қарор дошта, нисбаташ бо моддаи 104 Кодекси ҷиноятӣ парвандаи ҷиноятӣ оғоз гардидааст ва тафтишот идома дорад.