Имрӯз, 7-уми январ дар Тоҷикистон тағйироти кадрӣ сурат гирифт. Хадамоти матбуоти президети Тоҷикистон иттилоъ медиҳад, ки бо фармони Эмомалӣ Раҳмон раисони шаҳру ноҳияҳо Норак, Панҷ, Ванҷ ва Нуробод иваз шуданд.
Мувофиқи фармони президенти кишвар:
- Иброҳим Мирзозода, раиси шаҳри Норак;
- Акмал Иброҳимиён, раиси ноҳияи Панҷ;
- Наҷмиддин Давлатзода, раиси ноҳияи Ванҷ;
- Фатҳуддин Солеҳзода, раиси ноҳияи Нуробод таъйин шуданд.
Ҳамзамон бо қарори ҳукумати кишвар раисони кумитаҳои рушди сайёҳӣ, хоҷагии манзилию коммуналӣ ва мансабдорони чанд ниҳодҳои дигари тобеи ҳукумат иваз шуданд.
Се рӯз пеш 4-уми январи соли 2025 Эмомалӣ Раҳмон раиси шаш шаҳру ноҳияи вилояти Суғд ва чанде аз мансабдорони дигарро низ иваз намуда буд.
