Ахбор
Қиссаҳо
Подкастҳо
Афиша
Тиҷорат
Дата публикации: 14:2410.09.2024
Оид ба хатари обшавии пиряхҳои Тоҷикистон филми мустанад бо номи “Заволи пиряхҳо” ба навор гирифта шуд. Пиряхҳои Тоҷикистон яке аз манбаъҳои муҳими оби тоза дар Осиёи Марказӣ ба ҳисоб меравад.
Коргардони ҷавони тоҷик Одина Маҳмад, ки ин филмро сабт кардааст мегӯяд, дар он яке аз мавзӯҳои муҳим дар Тоҷикистон ва ҷаҳон баррасӣ шудааст.
Масъалаи обшавии босуръати пиряхҳо дар натиҷаи гармшавии глобалӣ ва тағйирёбии иқлим дар филм бо такя ба таҳқиқоти 20 соли ахири олимони соҳа асоснок карда шудааст.
“Дар филм графикаҳои 3D ва инфографика истифода шудаанд, ки ин ба тамошобинон имкон медиҳад, то пайомадҳои экологӣ, аз ҷумла тағирёбии иқлимро равшантар дарк кунанд. Ҳоло филмҳои мустанад воситаи муассири баланд бардоштани сатҳи огоҳии ҷомеа дар бораи масъалаҳои экологӣ, иҷтимоӣ ва иқтисодӣ мебошанд, ки имрӯз инсоният рӯ ба рӯ шудааст”,- гуфт Одина Маҳмад.
Филм дар 7 моҳ омода шуда, муаллифи он Некрӯзи Ҷалилиён ва наворбардор Абдукарим Уроқов мебошад.
Дар омода кардани филм инчунин, Кумтаи ҳифзи муҳити зисти назди ҳукумати ҶТ, Агентии обуҳавошиносӣ ва Маркази пиряхшиносии АМИТ ҳамкорӣ кардаанд.
Бояд гуфт, ки пиряхҳои Тоҷикистон 60% захираҳои обии Осиёи Марказиро ташкил медиҳанд ва тағйирёбии иқлим ба ҳаёти миллионҳо нафар дар минтақа таъсир мерасонад. Чунин филмҳо метавонанд дар ин маврид баҳсҳоро дар ҷомеа ба вуҷуд оранд ва ба қабули қарорҳои сиёсӣ ва иҷтимоӣ, ки ба ҳифзи муҳити зист ва ояндаи инсоният равона шудаанд, таъсир расонанд.
Читайте также
Тавассути ImonLine пардохт кун, кешбэк гир ва 500 сомонӣ бурд кун! Имкониятҳои бештар барои корбарони ImonLine
1 дня назад
"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?
6 дня назад
Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд
6 дня назад
Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид
18 дня назад
Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?
21 дня назад