logo Your.tj

Ахбор

Қиссаҳо

Подкастҳо

Афиша

Тиҷорат

ВКД: даст доштани кормандони БДА дар садамаи ноҳияи А. Ҷомӣ воқеият надорад

Вале то ҳол сабабҳои сар задани ҳодиса маълум нест.

Your tj

17:0027.07.2023

ВКД: даст доштани кормандони БДА дар садамаи ноҳияи А. Ҷомӣ воқеият надорад

Вазорати корҳои дохилии Тоҷикистон даст доштани кормандони БДА-ро дар як садамаи пурқурбонӣ, ки 21-уми июли соли равон дар ноҳияи А. Ҷомӣ рух дода буд, рад кард.

Дар ин садама ронанда ва панҷ нафари дигар, аз ҷумла се кӯдак ба ҳалокат расида, ду нафари дигар ҷароҳат бардошта буданд. Пеш аз ин гуфта мешуд, ки ронанда аз кормандони БДА фирор карда, ба садама дучор шудааст.

Ҷӯрабек Менгиқулови 44 сола ва писараш Ҳусейн Менгиқулови 19 сола, ки сокинони ноҳияи Ёвон будаанд, дар беморхона бистарӣ карда шудаанд.

Вазорати корҳои дохилӣ хабар медиҳад, ки “дар рафти таҳқиқ мусофирони мазкур мавриди пурсиш қарор гирифта, онҳо ҳолати таъкиб намудани автомашинаи тамғаи “Опел-Астра”-ро аз ҷониби кормандони БДА рад намуданд”.

26-уми июл, муовини додситони вилояти Хатлон Валӣ Ваҳҳобов зимни нишасти матбуотӣ гуфт, ки “муфатишон баёноти шоҳидон, сабти камераҳои назоратии яке аз мағозаҳоро дастрас кардаанд. Ҳамаи паҳлӯҳои ин ҳодиса омӯхта шуда, дар асоси далелҳо қарори қонунӣ қабул карда мешавад”.

Вале то ҳол сабабҳои сар задани ҳодиса маълум нест.

Солҳои охир шумораи садамаҳои пурқурбонӣ дар кишвар зиёд шудааст. Рӯзи 2-юми июл дар ноҳияи Файзобод бар асари як садамаи нақлиётии пурқурбонӣ 11 нафар ба ҳалокат расида, 4 нафар маҷруҳ шуда буданд.

Маводро мубодила кунед:

Комментарии (0)

Читайте также

Тавассути ImonLine пардохт кун, кешбэк гир ва 500 сомонӣ бурд кун! Имкониятҳои бештар барои корбарони ImonLine

16 часов назад

"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?

5 дня назад

Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд

5 дня назад

Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид

17 дня назад

Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?

20 дня назад

Ахбори Тоҷикистон

Асосӣ