Ахбор
Қиссаҳо
Подкастҳо
Афиша
Тиҷорат
Вазорати тандурустӣ зарардидагони таркиши балони газро дар ноҳияи Панҷ таҳти назорат гирифтааст
Дата публикации: 11:0522.05.2023
Барои табобати осебдидагони таркиши балони газ дар ноҳияи Панҷи вилояти Хатлон гурӯҳи мутахассисони варзида ва сармутахассисони соҳавии Вазорати тандурусӣ ба ин ноҳия рафтаанд. 28 зарардидаи ин ҳодиса дар Беморхонаи марказии ноҳияи Панҷ қарор дошта, 8 нафари онҳо дар шуъбаи наҷот бо ҳолати вазнин бистарӣ аст.
“Бо дастури роҳбарияти Вазорати тандурустӣ ва ҳифзи иҷтимои аҳолии мамлакат гурӯҳи мутахассисони варзида ва сармутахассисони соҳавии вазорат барои табобати зарардидагони ин ҳодиса ба ноҳияи Панҷ рафт”,- хабар медиҳад дафтари матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон.
Ба иттилои манбаъ, муассисаи тиббӣ пурра бо маводи доруворӣ, банду баст, безараргардонӣ ва хуну ҷузъҳои он таъмин ва барои ташхису табобати зарардидагон тамоми шароит муҳайё карда шудааст.
Вазъи саломатии зарардидагони ин ҳодиса таҳти назорати қатъии табибон, махсусан роҳбарияти Вазорати тандурустӣ ва ҳифзи иҷтимоии аҳолии мамлакат қарор дорад, менависад манбаъ.
Ёдовар мешавем, ки 20 май дар бозори марказии ноҳияи Панҷи вилояти Хатлон балони газ таркида, дар натиҷа 28 нафар захмӣ шуд.
Вазорати корҳои дохилии Тоҷикистон сабаби таркишро "риоя накардани қоидаҳои бехатарӣ ҳангоми пур намудани балони гази моеъ" номид.
Читайте также
"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?
4 дня назад
Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд
5 дня назад
Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид
17 дня назад
Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?
20 дня назад
Октябри гулобӣ чист? Чаро огоҳӣ аз саратони сина муҳим аст?
20 дня назад