logo Your.tj

Ахбор

Қиссаҳо

Подкастҳо

Афиша

Тиҷорат

Вазорати маориф донишҷӯёни тоҷикро аз Украина ба донишгоҳҳои Тоҷикистон интиқол мекунад.

Мувофиқи маълумотҳо 101 нафар донишҷӯёни тоҷик дар донишгоҳҳои Киев, Одесса, Харков, Днепр, Полтава ва ғайра таҳсил мекарданд.

Your tj

14:5823.03.2022

Вазорати маориф донишҷӯёни тоҷикро аз Украина ба донишгоҳҳои Тоҷикистон интиқол мекунад.

Вазорати маориф ва илми Тоҷикистон ҳама донишҷӯёни тоҷикеро, ки дар Украина таҳсил мекарданд ба донишгоҳҳои Тоҷикистон интиқол мекунад.

Тавре маълум аст пас аз вуруди неруҳои низомии Русия ба Украина қисми зиёди донишҷӯёну шаҳрвандони тоҷик, ки дар он ҷо таҳсил ва зиндагӣ мекарданд ба Тоҷикистон баргаштанд ва ҳоло наметавонанд таҳсилашонро идома диҳанд. Ҳамчунин маълум нест, ки вазъият кай ба эътидол меояд.

Аз ин рӯ Вазорати маорифи Тоҷикистон тасмим гирифтааст, ки ин донишҷӯёнро ба донишгоҳҳои Тоҷикистон итиқол бикунад.

Дар эълони Муассисаи давлатии “Маркази барномаҳои байналмиллалӣ”- и Вазорати маориф ва илм омадааст, ки донишҷӯёни тоҷике, ки дар зинаҳои бакалавр, магистратура ва ё аспирантура дар донишгоҳҳои Украина таҳсил мекарданд ва вобаста ба вазъияти баамаломада ба Тоҷикистон баргаштанд, метавонанд ба донишгоҳҳои Тоҷикистон интиқол бигиранд.

Барои интиқол хоҳишмандон метавонанд ба вазорати маориф муроҷиат кунанд.

Мувофиқи маълумотҳо дар Украина 101 нафар донишҷӯёни тоҷик таҳсил мекарданд.

Соли гузашта низ вазорат барои донишҷӯёни тоҷике, ки дар Қирғизистон таҳсил мекарданд, вобаста ба вазъ дар марз бо ин кишвар чунин имкониятро барои донишҷӯён фароҳам оварда буд.

Пас аз муноқишаҳои марзии охири моҳи апрели соли 2021 миёни Тоҷикистону Қирғизистон, донишҷӯёни тоҷик гуфта буданд, ки дар ин кишвар мавриди лату кӯб қарор гирифтаанд. Ҳачунин ҳангоми убури марз сарҳадбонони қирғиз аз онҳо маблағ талаб кардаанд. Вобаста ба ин вазъ бархе донишҷӯён гуфта буданд, ки дигар намехоҳанд таҳсилро дар ин кишвар идома диҳанд ва аз вазири маориф хоста буданд, ки онҳоро ба донишгоҳҳои Тоҷикистон интиқол кунанд.

Аммо қисми зиёди донишҷӯён аз интиқол даст кашиданд, зеро пас аз интиқол онҳо бояд дар як бахш поён таҳсил мекарданд, ки як соли хонишашон барбод мерафт.

Маводро мубодила кунед:

Комментарии (0)

Читайте также

Тавассути ImonLine пардохт кун, кешбэк гир ва 500 сомонӣ бурд кун! Имкониятҳои бештар барои корбарони ImonLine

16 часов назад

"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?

5 дня назад

Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд

5 дня назад

Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид

17 дня назад

Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?

20 дня назад

Ахбори Тоҷикистон

Асосӣ