Ахбор
Қиссаҳо
Подкастҳо
Афиша
Тиҷорат
Дата публикации: 15:2026.12.2025
Бо қарори ҳукумати Тоҷикистон, ки рӯзи 25 декабр қабул шудааст, тартиби интиқоли баъзе рӯзҳои корӣ ва истироҳатӣ муайян гардидааст.
Бар асоси ин санад, ҷумъаи 2 январ рӯзи истироҳат эълон шуда, ба ҷои он шанбеи 10 январ рӯзи корӣ ҳисобида мешавад. Дар натиҷа, сокинони кишвар аз 1 то 4 январ чор рӯз пайиҳам истироҳат карда, рӯзи 5 январ ба кор бармегарданд.
Ҳамзамон, Вазорати маориф ва илм қарор қабул кардааст, ки хонандагони муассисаҳои таҳсилоти умумӣ аз 1 то 7 январ ба таътили зимистона мебароянд.
Қарори ҳукумат инчунин ба рӯзҳои истироҳат дар ҷашни Наврӯз низ қабул шудааст. Тибқи он, шаҳрвандон дар ин ид дар маҷмуъ 9 рӯз пайиҳам истироҳат хоҳанд кард. Барои ин, рӯзи кории ҷумъаи 27 март ба шанбеи 14 март гузаронида шудааст.
Бо ин тартиб, рӯзҳои истироҳат дар Наврӯз аз 21 то 29 март идома мекунанд. Аз ҷумла, рӯзҳои 21-24 март истироҳати расмии идона мебошанд. Азбаски 21 ва 22 март ба шанбе ва якшанбе рост меоянд, тибқи қонунгузорӣ рӯзҳои 25 ва 26 март низ истироҳатӣ эълон шудаанд.
Рӯзи 27 март низ бинобар интиқоли рӯзи корӣ истироҳат хоҳад буд, 28 ва 29 март ба рӯзҳои шанбе ва якшанбе рост меоянд ва аз ин сабаб истироҳатӣ ҳисобида мешаванд.
Ин тағйирот ба ҳамаи кормандон дахл дошта, ба гуфтаи мақомот, бо ҳадафи ба танзим даровардани ҷадвали корӣ ва фароҳам овардани шароити беҳтар барои ҷашнгирӣ ва истироҳати шаҳрвандон роҳандозӣ шудааст.
Читайте также
Тавассути ImonLine пардохт кун, кешбэк гир ва 500 сомонӣ бурд кун! Имкониятҳои бештар барои корбарони ImonLine
16 часов назад
"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?
5 дня назад
Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд
5 дня назад
Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид
17 дня назад
Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?
20 дня назад