Тоҷикдухтар дар озмуни зебоӣ байни муҳоҷирдухтарон дар Русия гузаронида шуд, соҳиби ҷоиза гашт

Чорабинии мазкурро Федератсия муҳоҷирон дар Русия баргузор кард. Барои иштирок дар озмун 50 нафар ҷавондухтарон аз 13 кишвар дархост фиристоданд, вале ба даври ниҳоӣ танҳо 10 нафари онҳо аз Тоҷикистон Русия, Ӯзбекистон, Туркманистон ва Қирғизистон, роҳ ёфтанд.

Мақоми аввалро намояндаи Ӯзбекистон Рушана Камолова касб кард. Ҳамчун ҷоиза ба ӯ сертификати таҳсил дар Донишгоҳи иқтисодӣ – ҳуқуқии Москва тӯҳфа карданд.

Ҷоизаи интихоби мардумро бошад Нуринисо Абдулмаинова аз Тоҷикистон соҳиб шуд. Ба Нуринисо дар сомонаи озмун зиёда аз 6 ҳазор нафар овоз доданд, ки нисбати овзоҳои гирифтаи рақибонаш ду маротиба зиёдтар аст.

Дар қатори даҳ нафари ба даври финалии “Бонуи ФМР” роҳ ёфта, ҳамчунин се ҷавондухтари дигар аз Тоҷикистон, Рухшона Махкамова, Парвина Усмонова ва Наргис Зафарова аз Канибадам низ буданд.

Бояд қайд кард, ки соли гузашта барандаи озмуни мазкур Фотима Қаландарова зодаи Тоҷикистон, шуда буд.