Роҳи Исфара-Чоркӯҳ-Ворух дубора кушода шудааст

Роҳи мошингарди Исфара-Чоркӯҳ-Ворух, ки қаблан баста шуда буд, имрӯз бо иштироки Раисони вилоятҳои Суғд ва Бодканд Раҷаб Аҳмадзода Айбек Шаменов дубора ба истифода дода шуд.

[gallery size="full" ids="46111,46113,46119"]

Дар ин бора Хадмоти матбуоти раиси вилояти Суғд хабар дод.

Боз шудани роҳ дар заминаи Созишномаи байни Тоҷикистону Қирғизистон оид ба сарҳади давлатӣ, ки аввали соли 2025 ба имзо расида буд, сурат гирифт. Мувофиқи ин созишнома, 65 гектар замин аз ҳудуди деҳаи Қарабоқи Қирғизистон ба Тоҷикистон гузашт, ки қитъаи баҳсии роҳ низ дар ҳамин минтақа ҷойгир аст.

Ба гуфтаи Қамчибек Тошиев, раиси Кумитаи давлатии амнияти миллии Қирғизистон, мувофиқи тавофуқи дуҷониба, роҳҳои Хоҷаӣ-Аъло-Дача-Қапчиғай-Ворух (бо дарозии 3 425 метр ва паҳноии 40 метр) ва Мин-Орук -Самарқандак-Ориёна-Шуристон (бо дарозии 3 241 метр ва паҳноии 40 метр) мақоми бетараф гирифтаанд.

Дар асоси ин тавофуқ, роҳи Ворухро ҷониби Тоҷикистон ва роҳи Самарқандакро ҷониби Қирғизистон бояд месохтанд. Гуфта мешавад, ин имкон медиҳад, ки рафтуомади сокинон осонтар ва масофа тақрибан як километр кӯтоҳтар шавад.

Раҷаб Аҳмадзода ва Айбек Шаменов зимни мулоқот бо сокинон таъкид карданд, ки ҳамзистии дӯстонаи аҳолии наздимарзӣ омили муҳими таҳкими робитаҳои иқтисодӣ, иҷтимоӣ ва фарҳангии Тоҷикистону Қирғизистон мебошад.