logo Your.tj

Ахбор

Қиссаҳо

Подкастҳо

Афиша

Тиҷорат

Радиои Озодӣ: Дар як амалиёти мақомоти Русия дар Псков се муҳоҷири тоҷик кушта шудаанд

Хадамоти федералии амнияти Русия (ФСБ) кушташудагонро ба як созмони “байналмилалии террористӣ” пайванд дод, аммо номи ин созмонро эълон накард.

Your tj

14:0320.02.2025

Радиои Озодӣ: Дар як амалиёти мақомоти Русия дар Псков се муҳоҷири тоҷик кушта шудаанд

Мақомоти Русия дар пайи ба навиштааи худашон “пешгирӣ аз эҳтимоли ҳамлаи террористӣ” дар Псков се муҳоҷири тоҷикро куштаанд, хабар медиҳад Радиои Озодӣ.

Мақомоти ин кишвар аз ин амалиёт 13-уми феврал хабар доданд ва гуфтанд, ки ду зодаи Осиёи Марказӣ ҳадафи тарконидани истгоҳи роҳи оҳани шаҳри Псковро доштанд.

Хадамоти федералии амнияти Русия (ФСБ) кушташудагонро ба як созмони “байналмилалии террористӣ” пайванд додааст, аммо номи ин созмонро эълон накардааст.

Чанд муҳоҷири тоҷик ба Радиои Озодӣ гуфтаанд, ки ҳамдиёрони онҳо Парвиз Рустамов, Ҷовид Ҷумъаев ва Азизҷон Аъзамқулзода дар амалиёти мақомоти амниятии Русия дар як бӯстонсаро дар канораи шаҳри Псков кушта шудаанд.

Вале расонаҳои Русия менависанд, ки онҳо дар ҳоли омода кардани бомбаи худсохт барои таркондани истгоҳи роҳи оҳан кушта шудаанд.

Парвиз Рустамов аз шаҳри Турсунзода, Ҷовид Ҷумъаев ва Азизҷон Аъзамқулзода аз шаҳри Панҷакент будаанд, менависад Озодӣ.

Онҳо дар ресторани “Чайхона”-и шаҳри Псков кор мекарданд ва баъдан Ҷовид дар инҷо монда, Азизҷон дар маркази савдои “Акваполис” ба кор даромада, Парвиз таксирон шудааст.

“Бояд омӯзем, ки онҳо кай ба муҳоҷират рафтанд, бо кӣ ҳамнишину ҳамхез буданд, шароити оилавиашон чӣ хел аст, таҳсилоти онҳо ва фикру ақидаронии онҳо чихел буд?”, - гуфтааст Мурод Шукурзода, муовини раиси шаҳри Панҷакент.

Ин ҳодиса боиси ба таҳлука афтодани муҳоҷирони тоҷик дар шаҳри Псков шудааст.

Пас аз ҳамла ба “Крокус” дар моҳи марти соли 2024, ки мақомоти Русия аксарияти гумонбарони онро шаҳрвандони Тоҷикистон ном бурд, тафтишу ихроҷи муҳоҷирон, махсусан зодагони Осиёи марказӣ афзуд.

Маводро мубодила кунед:

Комментарии (0)

Читайте также

Тавассути ImonLine пардохт кун, кешбэк гир ва 500 сомонӣ бурд кун! Имкониятҳои бештар барои корбарони ImonLine

16 часов назад

"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?

5 дня назад

Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд

5 дня назад

Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид

17 дня назад

Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?

20 дня назад

Ахбори Тоҷикистон

Асосӣ