logo Your.tj

Ахбор

Қиссаҳо

Подкастҳо

Афиша

Тиҷорат

Прокурори генералӣ, вазири мудофиа ва раиси Хадамоти алоқа иваз шуданд

Пешниҳоди дигари Эмомалӣ Раҳмон барои иваз намудани раиси Палатаи ҳисоб ба Маҷлиси намояндагон фиристода шудааст.

Your tj

13:3823.01.2025

Прокурори генералӣ, вазири мудофиа ва раиси Хадамоти алоқа иваз шуданд

Имрӯз, тибқи як тағйироти кадрӣ роҳбарони чанд сохторҳои муҳими давлатӣ дар Тоҷикистон иваз шуданд, хабар медиҳад хадамоти матбуоти президенти кишвар.

Тибқи фармони раҳбари давлат Бег Сабур аз вазифаи раиси Хадамоти алоқа озод ва ба ҷойи ӯ Исфандиёри Саъдулло раиси ин хадамот таъин шуд.

Сабаби аз вазифаи рафтани Бег Сабур “ба нафақа баромадан” гуфта мешавад.

Шералӣ Мирзо аз вазифаи вазири мудофиа озод ва ба ҷойи ӯ Эмомалӣ Собирзода вазири нави мудофиаи Тоҷикистон таъйин шуда, барои тасдиқ ба Маҷлиси Олӣ фиристода шудааст. Собирзода то ин дам муовини якуми вазири мудофиаи кишвар буд.

Президенти кишвар Шералӣ Мирзоро сардори Саридораи ҳифзи сирри давлатӣ таъйин кардааст.

Бобоҷон Саидзода муовини якуми вазири мудофиа – сардори Ситоди генералии Қувваҳои Мусаллаҳи кишвар таъин шуд.

Ҳамзамон пешниҳодҳои президенти Тоҷикистон дар бораи озод намудани Юсуф Раҳмон аз вазифаи прокурори генералӣ ва ба ҷойи ӯ таъйин намудани Ҳабибуло Воҳидзода ба Маҷлиси Миллӣ фиристода шудааст.

Дар пешниҳод сабаби озод намудани Юсуф Раҳмон гузаштан ба корӣ дигар гуфта мешавад, аммо маълум нест, ки ӯ чӣ вазифа мегирад.

Пешниҳоди дигари Эмомалӣ Раҳмон барои иваз намудани раиси Палатаи ҳисоб ба Маҷлиси намояндагон фиристода шудааст.

Маводро мубодила кунед:

Комментарии (0)

Читайте также

Тавассути ImonLine пардохт кун, кешбэк гир ва 500 сомонӣ бурд кун! Имкониятҳои бештар барои корбарони ImonLine

16 часов назад

"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?

5 дня назад

Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд

5 дня назад

Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид

17 дня назад

Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?

20 дня назад

Ахбори Тоҷикистон

Асосӣ