logo Your.tj

Ахбор

Қиссаҳо

Подкастҳо

Афиша

Тиҷорат

Панҷ сокини Хоруғ, аз ҷумла се ноболиғ дар дарёи Панҷ ғарқ шудаанд

То ҳол ҷасади онҳо ёфт нашудааст ва гуфта мешавад, мақомот корҳои ҷустуҷӯиву наҷотдиҳии мусофирони ғарқшударо идома медиҳанд.

Your tj

16:1923.05.2025

Панҷ сокини Хоруғ, аз ҷумла се ноболиғ дар дарёи Панҷ ғарқ шудаанд

Шоми 20-уми май дар километри 417-уми шоҳроҳи “Қулма-Хоруғ-Дарвоз-Кӯлоб”, дар ҳудуди деҳаи Вишхарви ноҳияи Дарвоз, як мошини мусофиркаш ба дарёи Панҷ сарозер шудааст.

Тибқи иттилои Вазорати корҳои дохилии Тоҷикистон, мошини тамғаи “Тойота-Ландкрузер” таҳти идораи Гулзоров Ҳаким, сокини 40-солаи шаҳри Хоруғ қарор дошт.

Ӯ бо шаш мусофир аз самти Хоруғ ба Душанбе ҳаракат мекард ва ҳангоми гузаштан аз ин минтақа, аз уҳдаи идораи воситаи нақлиёт набаромада, ба дарё чаппа шудааст.

Ронанда ва як мусофир, Саркоров Фариди 44-сола хуро аз мошин берун партофта, зинда мондаанд ва ҳоло дар беморхона бистарӣ ҳастанд.

Панҷ нафари дигар, ноболиғ Саркоров Акрами нӯҳсола, Почоева Ашулаи 54-сола, наберааш Маҷнунов Муизи яксола, Афзалхонова Мадинаи 33-сола ва писараш Айналишоев Нуралишои 10-сола дар об ғарқ шудаанд.

Манбаъ менависад, то ҳол ҷасади онҳо ёфт нашудааст. Гуфта мешавад, мақомот корҳои ҷустуҷӯиву наҷотдиҳии мусофирони ғарқшударо идома медиҳанд.

Ёдовар мешавем, ки ҳафтаи гузашта, рӯзи 17 май дар ҳудуди ноҳияи Дарвоз як мошини боркаш, таҳти идораи сокини шаҳри Душанбе ба дарёи Панҷ сарозер шуда буд. 

Маводро мубодила кунед:

Комментарии (0)

Читайте также

"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?

4 дня назад

Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд

4 дня назад

Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид

16 дня назад

Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?

19 дня назад

Октябри гулобӣ чист? Чаро огоҳӣ аз саратони сина муҳим аст?

20 дня назад

Ахбори Тоҷикистон

Асосӣ