logo Your.tj

Ахбор

Қиссаҳо

Подкастҳо

Афиша

Тиҷорат

Наврӯзи асосиро имсол дар Хуҷанд ҷашн мегиранд

Санаи таҷлили ҷашн дар Хуҷанд ҳанӯз дақиқ нест.

Your tj

11:1203.03.2023

Наврӯзи асосиро имсол дар Хуҷанд ҷашн мегиранд

Таҷлили имсолаи Наврӯзи сатҳи ҷумҳуриявӣ дар шаҳри Хуҷанд дар назар аст. Дар он Эмомалӣ Раҳмон низ иштирок хоҳад кард.

Сухангӯи вазорати фарҳанг Марям Холиқзода дар ин бора ба "Азия-Плюс" иттилоъ дод.

Ба гуфтаи ӯ, чорабинии тантанавӣ дар варзишгоҳи “20-солагии истиқлолият”-и шаҳри Хуҷанд баргузор шуда, иштироки зиёиён, фарҳангиён ва сарояндагони номдори тоҷик дар назар аст.

“Дар ҷашни Наврӯз ширкати меҳмонони хориҷӣ ҳам пешбинӣ шудааст. Дар вилояти Суғд кумитаи таҷлили ҷашни Наврӯз таъсис ёфтааст”, - гуфт Холиқзода.

Аммо ӯ дақиқ нагуфт, ки Наврӯз дар шаҳри Хуҷанд кадом рӯз таҷлил карда мешавад.

Ба ифтихори ҷашни Наврӯз дар шаҳри Хуҷанд ва дигар шаҳру навоҳии вилояти Суғд мусобиқаи аспдавонӣ, бузкашӣ, ҷашнвораҳои “Сайри гули лола” ва “Маликаи баҳор” пешбинӣ мешавад.

Бояд гуфт, соли гузашта чорабиниҳои асосии ҷашни Наврӯз дар сатҳи ҷумҳуриявӣ дар ноҳияи Ҷалолиддини Балхии вилояти Хатлон баргузор шуда буд.

Ёдовар мешавем, ки Наврӯз аз ҷашнҳои қадимтарини мардуми ориёӣ маҳсуб ёфта, он соли 2010 аз ҷониби Созмони Милали Муттаҳид мақоми байналмилалиро гирифт.

Маводро мубодила кунед:

Комментарии (0)

Читайте также

Тавассути ImonLine пардохт кун, кешбэк гир ва 500 сомонӣ бурд кун! Имкониятҳои бештар барои корбарони ImonLine

16 часов назад

"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?

5 дня назад

Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд

5 дня назад

Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид

17 дня назад

Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?

20 дня назад

Ахбори Тоҷикистон

Асосӣ