logo Your.tj

Ахбор

Қиссаҳо

Подкастҳо

Афиша

Тиҷорат

Нақши ҷомеаи шаҳрвандӣ дар татбиқи Стратегияи миллии рушди ҶТ муҳим аст

Иштирокдорони маҳфил аҳамияти ҳамкории зичи ҷомеаи шаҳрвандӣ ва мақомоти давлатиро дар татбиқи самараноки Стратегия таъкид намуданд.

Your tj

10:5315.11.2024

Нақши ҷомеаи шаҳрвандӣ дар татбиқи Стратегияи миллии рушди ҶТ муҳим аст

Дар Душанбе рӯзи 14-уми ноябр маҳфил оид ба баррасии ҳамкории мақомоти давлатӣ ва ҷомеаи шаҳрвандӣ дар мониторинги иҷрои Стратегияи миллии рушди Ҷумҳурии Тоҷикистон барои давраи то соли 2030 баргузор гардид.

Дар он беш аз 30 намояндаи мақомоти давлатӣ, ҷомеаи шаҳрвандӣ, олимону коршиносон ва рӯзноманигорон иштирок карданд.

Иштирокдорони маҳфил аҳамияти ҳамкории зичи ҷомеаи шаҳрвандӣ ва мақомоти давлатиро дар татбиқи самараноки Стратегия таъкид намуданд.

Ҳамчунин, гуфта шуд, ки дар татбиқи “Стратегияи миллии рушди ҶТ барои давраи то соли 2030” дар баробари мақомоти давлатӣ ҷомеаи шаҳрвандӣ ҳам нақши назаррас доранд.

Ғайр аз ин, таъкид гардид, ки ташкилотҳои ҷомеаи шаҳрвандӣ метавонанд дар арзёбии мустақили дастовардҳо, мушкилот ва монеаҳои татбиқи Стратегия саҳми назаррас гузоранд.

Дар маҳфил, инчунин, усулҳои мониторинг ва арзёбии нишондиҳандаҳои Стратегияи миллии рушд муфассал шарҳ дода шуд. Таъкид гардид, ки барои арзёбии воқеии натиҷаҳо истифодаи методологияи дуруст ва маълумоти боэътимод муҳим аст.

Иштирокдорони маҳфил барои беҳтар намудани ҳамкории байни мақомоти давлатӣ ва ҷомеаи шаҳрвандӣ дар самти татбиқи Стратегияи миллии рушд пешниҳоду дархостҳои мушаххас карданд.

Стратегияи миллии рушди Ҷумҳурии Тоҷикистон то соли 2030 ҳуҷҷати муҳими банақшагирии стратегӣ буда, самтҳои асосии рушди иқтисодию иҷтимоии кишварро муайян менамояд. Он таъмини рушди устувори иқтисодӣ, баланд бардоштани сатҳи некӯаҳволии мардум ва коҳиш додани сатҳи камбизоатиро ҳадафи асосӣ қарор додааст.

Маводро мубодила кунед:

Комментарии (0)

Читайте также

Тавассути ImonLine пардохт кун, кешбэк гир ва 500 сомонӣ бурд кун! Имкониятҳои бештар барои корбарони ImonLine

16 часов назад

"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?

5 дня назад

Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд

5 дня назад

Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид

17 дня назад

Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?

20 дня назад

Ахбори Тоҷикистон

Асосӣ