logo Your.tj

Ахбор

Қиссаҳо

Подкастҳо

Афиша

Тиҷорат

Муҳоҷирони тоҷик дар соли 2024 ба ватан 5,8 миллиард доллар фиристодаанд

Ҳаҷми интиқоли пули муҳоҷирон дар соли 2023-юм 4,6 миллиард долларро ташкил дода, ба 39 дарсади ММД ва дар соли 2024 ба 45 дарсади ММД баробар шудааст.

Your tj

11:3613.05.2025

Муҳоҷирони тоҷик дар соли 2024 ба ватан 5,8 миллиард доллар фиристодаанд

Муҳоҷирони тоҷик дар соли 2024 ба Тоҷикистон 5,8 миллиард доллари амрикоӣ маблағ фиристодаанд. Ин рақам нисбат ба соли як соли пеш аз он 27 дарсад (беш аз 1,5 миллиард доллар) зиёд мебошад, хабар медиҳад Созмони ҷаҳонии муҳоҷират (СҶМ).

Ҳаҷми интиқоли пули муҳоҷирон дар соли 2023-юм 4,6 миллиард долларро ташкил дода, ба 39 дарсади Маҷмӯи маҳсулоти дохилӣ (ММД)-и кишвар баробар будааст. Маблағҳои интиқолшуда дар соли 2024 ба 45 дарсади ММД баробар шудаанд.

Гузориши СҶМ, ки зери унвони “Гузориш оид ба вазъи муҳоҷират. Июл-декабри соли 2024” рӯзи 6-уми май нашр шуд, бар асоси маълумоти Вазорати меҳнат, муҳоҷират ва шуғли аҳолии Тоҷикистон, Бонки ҷаҳонӣ ва манбаъҳои расмии Русия таҳия гардидааст.

Ҳарчанд гузориш шаш моҳи охири соли гузаштаро фаро мегирад, вале бархе оморҳо солона пешниҳод шудаанд.

Тибқи иттилои дар ин гузориш овардашуда, 15 миллион доллар аз маблағҳои интиқолшудаи муҳоҷирони тоҷик аз Қазоқистон фиристода шудааст. Дар бораи ҳаҷми умумии пулҳои интиқолшуда аз Русия, ки макони асосии фаъолияти муҳоҷирони тоҷик ба ҳисоб меравад, дар гузориш рақамҳои мушаххас зикр нашудааст.

Тоҷикистон яке аз кишварҳои вобастабуда ба пули муҳоҷирон дар ҷаҳон ба ҳисоб меравад.

Маводро мубодила кунед:

Комментарии (0)

Читайте также

Тавассути ImonLine пардохт кун, кешбэк гир ва 500 сомонӣ бурд кун! Имкониятҳои бештар барои корбарони ImonLine

21 часов назад

"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?

5 дня назад

Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд

6 дня назад

Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид

18 дня назад

Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?

20 дня назад

Ахбори Тоҷикистон

Асосӣ