logo Your.tj

Ахбор

Қиссаҳо

Подкастҳо

Афиша

Тиҷорат

Марги як кӯдаки 3-сола дар пайи латукӯб дар Файзобод

Юсуфҷони 3-сола эҳтимолан аз ҷониби модарандараш латукӯб шуда, баъди як рӯз ҳангоми интиқол ба бемористон даргузаштааст.

Your tj

14:0130.12.2025

Марги як кӯдаки 3-сола дар пайи латукӯб дар Файзобод

Дар ноҳияи Файзобод марги мармузи як кӯдаки 3-сола таҳқиқ мешавад. Ба иттилои Радиои Озодӣ, мақомот модарандари ин тифлро бо гумони латукӯб ва ба марг расондани ӯ боздошт кардаанд.

Як манбаъ дар ҳукумати Файзобод ба Радиои Озодӣ гуфтааст, ҳодиса рӯзи 26-уми декабр дар деҳаи Шерамон рух додааст. Юсуфҷони 3-сола эҳтимолан аз ҷониби модарандараш латукӯб шуда, баъди як рӯз ҳангоми интиқол ба бемористон даргузаштааст.

Манбаъ афзудааст, ки гумонбар, зани 31-сола ба ҳабси пешакӣ гирифта нашудааст, зеро кӯдаки якуниммоҳа дорад, аммо бозпурсии ӯ идома дорад. Назари худи ин зан дар бораи иттиҳом ҳанӯз маълум нест.

Гуфта мешавад, тибқи тафтишоти пешакӣ зан мушкили равонӣ надорад, аммо дар хонавода ҷанҷолҳои пайваста, аз ҷумла бо хушдоманаш вуҷуд доштааст. Мақомот қаблан аз мушкилоти оилавӣ огоҳ буда, як маротиба бо онҳо суҳбат анҷом додаанд.

Мақомот то кунун дар бораи ҷузъиёти расмии ин қазия иттилоъ надодаанд ва таҳқиқи ҳодиса идома дорад. Қаблан низ дар Тоҷикистон ҳолатҳои марги кӯдакон дар пайи латукӯб сабт шуда буданд. Аз ҷумла, соли 2022 як сокини Истаравшан барои шиканҷа ва ба марг расондани тифли сесола боздошт шуда буд.

Маводро мубодила кунед:

Комментарии (0)

Читайте также

Тавассути ImonLine пардохт кун, кешбэк гир ва 500 сомонӣ бурд кун! Имкониятҳои бештар барои корбарони ImonLine

16 часов назад

"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?

5 дня назад

Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд

5 дня назад

Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид

17 дня назад

Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?

20 дня назад

Ахбори Тоҷикистон

Асосӣ