Марги як ҷавони 22-сола дар дарёи Душанбе

Шабонарӯзи гузашта Кумитаи ҳолатҳои фавқулоддаи Тоҷикистон ду ҳодисаи ғарқшавиро ба қайд гирифтааст, ки дар яке аз онҳо, мутаассифона, ҷавони 22-сола ба ҳалокат расидааст.

Ба иттилои КҲФ, 12-уми май  ҷавони 22-сола, истиқоматкунандаи муваққатии ноҳияи Фирдавсии пойтахт бо сабабҳои номаълум дар оби рӯди Душанбе ғарқ шудааст.

Гуфта мешавад, сокинон ҷасади ӯро дар мавзеи пули собиқ бозори Султони Кабир дида, ба қисми навбатдории Раёсати КҲФ дар шаҳри Душанбе хабар додаанд.

Имдодгарон ҷасадро аз об берун оварда, ба мақомоти ҳифзи ҳуқуқ супурдаанд.

Ба иттилои КҲФ марҳум дар асл сокини ҷамоати деҳоти Баланди ноҳияи Муъминобод будааст.

Мақомоти ҳифзи ҳуқуқ сабабҳои ғарқ шудани ӯро тафтиш мекунанд.

Шоми 12-уми май дар вилояти Суғд як духтари 18-сола, истқоматкунандаи шаҳри Хуҷандҳангоми  оббозӣ аз беэҳтиётӣ дар дарёи Сир ғарқ шудааст.

Наҷотдиҳандагони Раёсати КҲФ сари вақт ба ҷойи ҳодиса расида, ин духтари ҷавонро наҷот додаанд.