logo Your.tj

Ахбор

Қиссаҳо

Подкастҳо

Афиша

Тиҷорат

Лойобаҳо дар хонаҳои истиқоматӣ. Зарари боришоти шадид дар Суғд

Чанд хонаи истиқоматӣ дар Хуҷанд ва ду ноҳияи вилояти Суғд зери об монданд.

Your tj

11:3003.04.2023

Лойобаҳо дар хонаҳои истиқоматӣ. Зарари боришоти шадид дар Суғд

Боришоти шадиди рӯзи 2 – юми апрел дар бархе аз минтақаҳои Тоҷикистон боиси ташвиши мардум шуд. Махсусан, сокинони шаҳри Хуҷанд, ноҳияҳои Бобоҷон Ғафуров ва Ҷаббор Расулови вилояти Суғд оқибатҳои ногувори ҳавои номусоидро аз сар гузарониданд.

Тибқи иттилои КҲФ, рӯзи 2 – юми апрел, тахминан соати 17:00 дар натиҷаи бориш дар ҳудуди микроноҳияи 3 – юми шаҳри Хуҷанд, қитъаҳои нав, роҳи маҳаллӣ ва чанд таҳхонаи биноҳои истиқоматиро лойобаҳо фаро гирифт.

Дар хамин минтақа ду мошини тамғаи «Газель» ба лой дармонд. Ба наҷотдиҳандагони КҲФ муяссар шуд, ки наздик ба нисфи шаб мошинҳоро аз лой берун оранд.

Инчунин, дар ҷамоати деҳоти Ёваи ноҳияи Б.Ғафуров боришоти зиёд боиси омадани сел гардид. Дар натиҷа ду километр роҳи маҳаллӣ вайрон шуда, як бинои истиқоматӣ, ду оғил ва боғи зардолу қисман зери об монд.

Дар ҳудуди ҷамоати деҳоти Деҳмой ва Гулхани ноҳияи Ҷ. Расулов низ сел ба қайд гирифта шудааст.

Ҳамасола бо фаро расидани фасли баҳор дар Тоҷикистон мавсими обхезӣ оғоз мешавад. Қариб дар ҳамаи минтақаҳои кишвар, махсусан деҳот офатҳои табиӣ ба амал меоянд.

Дар соли 2022 хисороти офатҳои табиӣ ба кишвар 53,2 миллион сомонӣ (ҳудуди 5 миллион доллар) арзёбӣ шудааст.

Аз оғози соли 2023 то нимаи моҳи феврали соли ҷорӣ офатҳои табиӣ ба кишвар ба маблағи беш аз 15 миллион сомонӣ (ҳудуди 1,5 миллион доллар) хисорот ворид кардаанд.

Маводро мубодила кунед:

Комментарии (0)

Читайте также

"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?

4 дня назад

Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд

5 дня назад

Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид

17 дня назад

Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?

20 дня назад

Октябри гулобӣ чист? Чаро огоҳӣ аз саратони сина муҳим аст?

20 дня назад

Ахбори Тоҷикистон

Асосӣ