Ахбор
Қиссаҳо
Подкастҳо
Афиша
Тиҷорат
Дата публикации: 12:1602.11.2023
Дар ҷануби Тоҷикистон ҷамъоварии лимӯ оғоз шуд. Дар вилояти Хатлон навъи «Мейер», ки солҳои 30-юми асри гузашта ба Тоҷикистон оварда шуда буд, хуб мутобиқ гардид. Меваҳои ин навъи лимӯ ранги зарди равшан ва тамъи ширин доранд. Солҳои охир лимӯи тоҷикӣ хеле машҳур шуд.
Маҳмадтолиб Ҷобиров аз ноҳияи Кӯшониён беш аз 10 сол боз ба парвариши лимӯ машғул аст. Соли 2012 ҳамроҳи хонаводааш кооперативи "Сомон"-ро таъсис додааст. Холо онхо 13 гармхонаи калон доранд, ки дар ҳар яки он 100 – 180 бех ниҳоли лимӯ парвариш мешавад. Дар баробари онҳо боз 400 бех ниҳоли нав нашъунамо ёфта истодааст. Ба наздикӣ барои онҳо низ гармхонаҳои нав сохта мешаванд.
Ба гуфтаи лимӯпарвар, сохтмони як гармхонаи дарозиаш 180 метр 100 – 150 ҳазор сомонӣ арзиш дорад.
Лимӯ манбаи асосии даромади оилаи Ҷобировҳост, аммо онҳо худашон лимӯро ба бозор намебароранд. Харидороне, ки аз Душанбеву Ҳисор меоянд, бо нархи яклухт аз онҳо маҳсулоташонро харидорӣ менамоянд.
Маҳмадтолиб имсол то 50 тонна лимӯ ҷамъоварӣ карданист, аммо шикоят дорад, ки харидоронаш ҳоло шитоб намекунанд. Ҳол он ки пештар ҳосилаш ҳамеша сари вақт фурӯхта мешуд.
Махмадтолиб барои дар сари вақт ҷамъоварӣ намудани тамоми ҳосил аз байни ҳамдеҳагонаш коргар мегирад. Вай дар мавсим ба хисоби миёна то 40 касро бо кор таъмин мекунад.
"Ба танҳоӣ ҷамъоварӣ кардан душвор аст, меваҳо аксар вақт дар қисми поёнии дарахт мерӯянд. Аз ин рӯ, мо ҳамсояҳоро киро мекунем",- мегӯяд лимӯпарвар.
Читайте также
"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?
4 дня назад
Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд
5 дня назад
Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид
17 дня назад
Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?
20 дня назад
Октябри гулобӣ чист? Чаро огоҳӣ аз саратони сина муҳим аст?
20 дня назад