Ахбор
Қиссаҳо
Подкастҳо
Афиша
Тиҷорат
Кумитаи дин: Гурӯҳе аз шаҳрвандон бо ҳуҷҷатҳои сохта дар Арабистони Саудӣ сарсон шудаанд
Дата публикации: 12:4609.04.2026
Кумитаи дин ва танзими ҷашну маросимҳои Тоҷикистон хабар дод, ки гурӯҳи шаҳрвандони кишвар, ки бо ваъдаи адои ҳаҷи фарзӣ ба Арабистони Саудӣ сафар карда буданд, бо сабаби қалбакӣ будани ҳуҷҷатҳояшон сарсон шудаанд.
Ба навиштаи Кумита, ин шаҳрвандон бо фиреби афроди алоҳида, ки мехостанд манфиати молӣ ба даст оранд, ба ҳаҷ сафар кардаанд. “Ин афрод бо таҳияи ҳуҷҷатҳои тақаллубӣ зоиронро бовар кунонидаанд, ки барои адои маросими ҳаҷ ба онҳо кумак мекунанд. Аммо дар асл, ин ҳуҷҷатҳо қувваи ҳуқуқӣ надоранд ва будубоши қонунии шаҳрвандонро дар мавсими ҳаҷ кафолат дода наметавонанд”, – омадааст дар изҳороти Кумита.
Ҳоло гурӯҳи шаҳрвандон дар ҳолати душвор қарор дошта, аз Кумитаи дин ва Сафорати Тоҷикистон дар Арабистони Саудӣ дархост кардаанд, ки барои баргаштан ба Ватан кумак расонанд.
Кумита таъкид кардааст, ки муҳлати барасмиятдарории ҳуҷҷатҳо барои ҳаҷи фарзии соли ҷорӣ қаблан ба анҷом расида, пас аз ин муҳлат ҳеҷ ширкати сайёҳӣ ё шахси миёнарав имкони таҳияи ҳуҷҷатҳои заруриро надорад.
Ҳамзамон Кумита аз шаҳрвандон хоҳиш кардааст, ки ба ваъдаҳои бардурӯғ бовар накунанд ва дар ҳолати рӯбарӯ шудан бо чунин ҳолат ба телефони боварии Кумита – +992 37 221 83 58 муроҷиат кунанд.
То кунун маълум нест, ки афроди қаллобе, ки ин гурӯҳи тоҷикистониҳоро ба Арабистон бурдаанд, барои ин амал боздошт ё муҷозот шудаанд ё не.
434 просмотра
Комментарии (0)
Читайте также
Тавассути ImonLine пардохт кун, кешбэк гир ва 500 сомонӣ бурд кун! Имкониятҳои бештар барои корбарони ImonLine
16 часов назад
"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?
5 дня назад
Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд
5 дня назад
Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид
17 дня назад
Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?
20 дня назад