Ахбор
Қиссаҳо
Подкастҳо
Афиша
Тиҷорат
Дата публикации: 12:1207.01.2026
Эмомалӣ Раҳмон президенти Тоҷикистон муовинони раиси вилояти Хатлон, инчунин раисони шаҳру ноҳияҳои Кӯлоб, Ҷайҳун, Мир Саид Алии Ҳамадонӣ, Ховалинг, Исфара, Истаравшан, Спитамен, Бобоҷон Ғафуров ва Рӯдакиро аз вазифа озод кард.
Ба иттилои Хадамоти матбуоти президент, ба ҷойи онҳо "кадрҳои ҷавон" таъйин гардидаанд. Вале гуфта нашудааст, ки киҳо ба ин курсиҳо нишастаанд. Ҳамчунин маълум нест, ки нафарони аз вазифаҳо сабукдӯш шуда вазифаи нав гирифтаанд ё не.
Ҳамчунин, Солеҳзода Ашурбой аз вазифаи муовини якуми Вазири рушди иқтисод ва савдо ва Раҳмонзода Абдулло аз вазифаи ёрдамчии президенти Тоҷикистон оид ба масъалаҳои рушди иҷтимоӣ ва робита бо ҷомеа озод шуда, муовинони раиси вилояти Хатлон оид ба иқтисод ва идеология таъйин шудаанд.
Шарифзода Манучеҳр, муовини пешини вазири фарҳанг ба вазифаи директори муассисаи давлатии «Театри миллӣ» таъйин гардидааст.
Имрӯз, 7 январ Эмомалӣ Раҳмон кадрҳои навтаъйинро ба ҳузур пазируфта, бо онҳо суҳбат анҷом додааст. Сарвари давлат ба масъулон дастур додааст, ки фаъолияти худро бо риояи қонуният, хизмати содиқона ба давлату мардум, омодагӣ ба киштукори баҳорӣ, интихобу тарбияи кадрҳои ҷавон ва муносибати дуруст бо аҳолӣ ба роҳ монанд.
Читайте также
Тавассути ImonLine пардохт кун, кешбэк гир ва 500 сомонӣ бурд кун! Имкониятҳои бештар барои корбарони ImonLine
1 дня назад
"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?
6 дня назад
Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд
7 дня назад
Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид
19 дня назад
Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?
21 дня назад