Ахбор
Қиссаҳо
Подкастҳо
Афиша
Тиҷорат
Эмомалӣ Раҳмон раиси суди ноҳияи Ш.Шоҳинро барои латукӯби сарбоз аз вазифа барканор кард
Дата публикации: 15:5618.07.2024
Эмомалӣ Раҳмон, президенти Тоҷикистон зимни тағйироти кадрӣ, рӯзи 18-уми июл рафтори Зоҳир Муминзодаро нисбати сарбози қушунҳои сарҳидӣ “ношоиста ва ғайриоинномавӣ” номида, таъкид намудааст, ки Муминзода “натанҳо аз вазифа озод гардад, балки аз мақомоти судӣ комилан ронда шавад”.
Чанде пеш Радиои Озодӣ хабар дода буд, ки Зоҳир Муминзода, раиси суди ноҳияи Шамсиддин Шоҳин дар гузаргоҳи назоратии “Дараи Об” дар марзи Тоҷикистон бо Афғонистон як марзбонро латукӯб кардааст.
Ба иттилои Озодӣ, рӯзи 8-уми июл сарбозони марзбон ҳангоми ворид шудани Зоҳир Муминзода ба маркази ноҳия мошини ӯро тафтиш мекунанд ва аз ӯ хоҳиш мекунанд, ки ҳамроҳаш санадҳояшро барои шиносоӣ пешниҳод кунад. Раиси суд баҳс мекунад ва аз мошин берун шуда, Фирӯз Атовуллоев, сарбози Нерӯҳои марзбониро мушт мезанад.
Гуфта мешавад, латукӯби сарбоз дар камераҳои назоратӣ низ сабт шудааст. Дар наворҳои сабтшуда дида мешавад, ки Зоҳир Муминзода аз мошин фаромада сарбозро бо мушт мезанад.
Назари худи Муминзода дастрас нест.
Ҳодисаро Суди олии Тоҷикистон таҳқиқ мекунад.
Зоҳир Муминзода, соли 2017 бо фармони президенти Тоҷикистон Эмомалӣ Раҳмон Раиси Суди ноҳияи Шамсиддини Шоҳин таъин шуда буд. Пеш аз ин, Муъминзода судяи Суди вилояти Хатлон буд.
Читайте также
"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?
4 дня назад
Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд
5 дня назад
Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид
17 дня назад
Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?
20 дня назад
Октябри гулобӣ чист? Чаро огоҳӣ аз саратони сина муҳим аст?
20 дня назад