logo Your.tj

Ахбор

Қиссаҳо

Подкастҳо

Афиша

Тиҷорат

"Ин иғвои рӯирост аст". ВКХ Русия изҳороти Владимир Соловёвро дар бораи кишварҳои Осиёи Марказӣ шарҳ дод

"Ин ҷумлаҳо иғвои рӯисрост аз ҷониби таҳлилгарони "диванӣ" аст, ки қариб ҳамчун мавқеи расмии Русия нишон дода шуданд",- гуфт Мария Захарова.

Your tj

13:0716.01.2026

"Ин иғвои рӯирост аст". ВКХ Русия изҳороти Владимир Соловёвро дар бораи кишварҳои Осиёи Марказӣ шарҳ дод

Намояндаи расмии Вазорати корҳои хориҷии Русия Мария Захарова изҳороти ровии телевизион ва тарғибгари рус Владимир Соловёв дар бораи кишварҳои Осиёи Марказӣ ва Арманистонро шарҳ дод ва таъкид кард, ки ин назари шахсии рӯзноманигор аст, ки дар канали хусусии «Соловьёв Live» баён шудааст.

Ҳамчунин ӯ таъкид кард, ки суханони ин ровии телевизион ба ҳамчун савол ифода шудааст, на тасдиқ.

«Ин ҷумлаҳо иғвои рӯисрост аз ҷониби таҳлилгарони "диванӣ" аст, ки қариб ҳамчун мавқеи расмии Русия нишон дода шуданд. Як бори дигар мехоҳам таъкид намоям, ки мавқеи расмӣ танҳо аз ҷониби мансабдорон ва мақомоти ваколатдор ифода мешавад.

Миёни кишвари мо бо Қафқози Ҷанубӣ ва Осиёи Марказӣ ҳамеша муносибатҳои ҳамсоягӣ, ҳамкории стратегӣ ва дӯстии бародарона вуҷуд дорад. Инро бояд аз рӯи амал баҳогузорӣ кард - мо борҳо кӯмак расондем, ҳиссиёти самимиро нишон додем, ҳамдардӣ кардем ва шодию ғамро бо ҳам тақсим намудем», - таъкид кард Захарова.

Қаблан тарғибгари рус Владимир Соловёв Арманистон ва кишварҳои Осиёи Марказиро «минтақаҳои нуфуз»-и Русия номид ва гуфт, ки «аз даст додани онҳо» метавонад таҳдид ба амнияти миллии Федератсияи Русия бошад.

Пас аз изҳоротҳои Соловёв Вазорати корҳои хориҷии Арманистон сафири Русия Сергей Копиркинро даъват карда, ба ӯ нотаи эътирозӣ супурд.

Вакили порлумони Қирғизистон Достон Бекешев пешниҳод кард, ки Соловёв дар кишвар ҳамчун шахси номатлуб ("persona non grata") эътироф шавад.

 

Посмотреть эту публикацию в Instagram

 

Публикация от YOUR TJ (@your_tj)

Владимир Соловёв, ровии телевизион, публисист ва муаллифи барномаи «Соловёв LIVE» аст.

Соловёв бо изҳороти шадид ва таҳқиромез маъруф аст, аксар вақт суханони таҳқиромез ва нафратангезро дар эфир истифода мекунад.

Ӯ барои паҳн кардани иттилои нодуруст ва таҳрик додани афкори умум танқид мешавад. Дар чанд кишвари пасошӯравӣ барномаҳояш маҳкум ё манъ шуда буданд.

Маводро мубодила кунед:

Комментарии (0)

Читайте также

Тавассути ImonLine пардохт кун, кешбэк гир ва 500 сомонӣ бурд кун! Имкониятҳои бештар барои корбарони ImonLine

16 часов назад

"Аз рӯйи эҳтиром". Ҷавони тоҷике, ки дар Лондон парчами кӯҳнаи Қирғизистонро нав кард, кист?

5 дня назад

Пайроҳаи рӯзгори қаламкаше, ки дарду доғи зиёд чашид. Марямбонуи Фарғонӣ, аввалин зани Нависандаи халқии Тоҷикистон 70-сола шуд

5 дня назад

Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид

17 дня назад

Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?

20 дня назад

Ахбори Тоҷикистон

Асосӣ