Имтиҳони EPS TOPIK барои кор дар Кореяи Ҷанубӣ оғоз мешавад

Аз 2 то 5 март қабули аризаҳо барои иштирок дар имтиҳони низоми EPS TOPIK ба роҳ монда мешавад. Дар ин бора Вазорати меҳнат, муҳоҷират ва шуғли аҳолии Тоҷикистон эълон кардааст.

Барнома барои шаҳрвандоне пешбинӣ шудааст, ки нияти фаъолият дар соҳаи истеҳсолот дар Кореяи Ҷанубиро доранд. Барои номнавис шудан пардохти боҷи имтиҳон ба маблағи 330 сомонӣ талаб мешавад. Қабул дар бинои Агентии бокортаъминкунӣ дар хориҷаи Душанбе сурат мегирад.

Талабот ба довталаб:

• шаҳрванди Тоҷикистон;
• донистани забони кореягӣ тибқи низоми EPS TOPIK;
• синну сол аз 18 то 39 сола (санаи таваллуд аз 03.03.1986 то 02.03.2008);
• надоштани доғи судӣ;
• надоштани ихроҷшавӣ аз Корея;
• солимӣ ва набудани бемориҳои сироятӣ.

Барои номнавис шудан лозим аст:

• рақами телефон;
• шакли электронии шиносномаи хориҷӣ;
• расми рангаи электронӣ (3,5×4,5, фон сафед).

Маълумот бояд дақиқ ва бо ҳарфҳои лотинӣ, мутобиқ ба шиносномаи хориҷӣ ворид карда шавад. Шахсоне, ки маълумоти нодуруст пешниҳод мекунанд, ба имтиҳон роҳ дода намешаванд.

Суроға: шаҳри Душанбе, кӯчаи Лоҳутӣ 80.

Телефонҳо: 221-39-83, 221-39-67, 930934994 (WhatsApp, Telegram, Телеграм-канал):