Ахбор
Қиссаҳо
Подкастҳо
Афиша
Тиҷорат
Дата публикации: 10:5008.04.2026
7 апрел раиси Кумитаи ҳифзи муҳити зисти Тоҷикистон, Баҳодур Шерализода, бо директори Иттиҳоди Аврупо дар Тоҷикистон, Радослав Дарский, вохӯрӣ анҷом доданд. Дар ин дидор масоили ҳифз ва рушди минтақаҳои махсус ҳифзшавандаи табиӣ ва таҳияи масирҳои нави экологӣ барои ҷалби сайёҳон баррасӣ гардиданд.
Баҳодур Шерализода зимни вохӯрӣ иттилоъ дод, ки нашри нави Китоби Сурхи Тоҷикистон омода мешавад. Ӯ инчунин таъкид намуд, ки назорати давлатии ҳифзи захираҳои об, мониторинги обҳои партов ва фаъолияти озмоишгоҳи назорати таҳлилӣ аз самтҳои асосӣ ба шумор мераванд.
Ба иттилои АМИТ “Ховар”, намояндаи Иттиҳоди Аврупо табиати Тоҷикистонро бо пиряхҳои азим, кӯлҳо, ҷангалҳо ва гуногунрангии олами ҳайвонот беназир номид. Ӯ таъкид кардааст, ки Иттиҳоди Аврупо ташаббусҳои сабзгардонии қаламрави Тоҷикистонро дастгирӣ мекунад, ки он ба таҳкими устуворӣ ба тағйирёбии иқлим мусоидат менамояд.
Ҳамчунин дар вохӯрӣ омодагии Иттиҳоди Аврупо барои густариши ҳамкорӣ дар самтҳои мубориза бо ифлосшавии ҳаво, идоракунии партовҳо, аз ҷумла ҷамъоварии ҷудогонаи партовҳо ва тақвияти маърифати экологӣ дар байни аҳолӣ таъкид шуд.
Ҷонибҳо ба мувофиқа расиданд, ки барои беҳтар намудани вазъи муҳити зист дар Тоҷикистон ҳамкориро тақвият хоҳанд дод.
303 просмотра
Комментарии (0)
Читайте также
Муҳаммадҷони Шакурии Бухороӣ - донишманде, ки умре барои забон ва худогоҳии миллӣ кӯшид
11 дня назад
Як дона картошка то 4 кг. Чаро картошкаи Кӯҳистони Мастчоҳ харидори зиёд дорад?
14 дня назад
Октябри гулобӣ чист? Чаро огоҳӣ аз саратони сина муҳим аст?
15 дня назад
7 кӯдаки бесарпарасти тоҷик аз Русия ба Ватан баргардонида шуданд
17 дня назад
Ҷашни 250-солагии озодӣ ва 35-солагии шарикӣ: Фароҳам овардани имкониятҳои иқтисодӣ ҳамзамон бо бунёди ривоҷу равнақи мутақобила
18 дня назад